HEBRAIHAI 7:2 - Pathien Lekhabu Inthieng (BSI)

² Ama chu Abrahamin iengkim sâwma pakhat a pêk a. A hming umzie chu a hmasatakah Felna Lal a na, a dawtah Salem lal a ni bawk a, chu chu Remna Lal tina a nih.

HEBRAIHAI 7:2 ပူးပေါင်းရင်းမြစ်များ

INṬANNA 28:22

hi lungphun ka phun khawm hi Pathien in nîng a tih: chun, ka kuoma i mi pêk ding po poa chun sâwma pakhat chu pe ngei ngei ka ti che,” tiin.

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

1 CHANCHIN SUINA 22:9

Ngai ta, naupasal hung nei i ta, ama chu mi sâwldamtak nîng a tih, a vêlin, a hmêlmahaia inthawk khawmin ama chu râlmuongna pêng ka ta, a hming khawm Solomon nîng a ta, ama hun laia chun Israel rama hin muongna le râlmuongna pêng ka tih;

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

LEVI DÂN 27:32

Ran ruol le berâm ruol laia sâwmapakhat, hmawl hnuoia lût a sâwmna pei chu Lalpa ta dinga inthieng nîng a tih.

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

NAMBAR 18:21

“Levi mihai chu rawngbâwl sin, puon in rawngbâwl sina an sinthaw manah Israel rama sâwmapakhat po po hi ka pêk a nih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:26

Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.

HEBRAIHAI 7:1

Chu Melkizedek chu Salem lal, Pathien Chunghnungtak Thiempu, Abraham lalhai thata a hung tieng lo tuoka malsâwmtu a nih.

HEBRAIHAI 7:3

Ama chu pa nei lovin, nu nei lovin, chi thlatuhai chanchin nei lovin, um ṭanna nei lovin, hring tâwp khawm nei chuong lovin, Pathien Naupa anga siema umin, Thiempuah a um zing a nih.

1 SAMUEL 8:15

In thlai chi le in grêp huonhaia mi chu sâwma pakhat lâkpêk a ti cheu a, a siehlawhai le a hotuhai pêng a tih.

1 SAMUEL 8:17

In berâm ruol laia mi chu sâwma pakhat lâkpêk a ti cheu a; chun, ama siehlawhai nîng in tih.