HEBRAIHAI 7:1 - Pathien Lekhabu Inthieng (BSI)

¹ Chu Melkizedek chu Salem lal, Pathien Chunghnungtak Thiempu, Abraham lalhai thata a hung tieng lo tuoka malsâwmtu a nih.

HEBRAIHAI 7:1 ပူးပေါင်းရင်းမြစ်များ

INPÂKNA HLABU 57:2

Pathien Achunghnungtak chu ko ka ta, Pathien iengkim mi thawpêktu chu.

INPÂKNA HLABU 76:2

Salema chun a bâwktê chu a um a, Chun, ama umna chu Zionah a um a,

INPÂKNA HLABU 78:35

Pathien chu an lungpui a nih ti le, Pathien Achunghnungtak chu an intlantu a nih ti an hriet suok hlak.

INPÂKNA HLABU 78:56

Nisienlakhawm, Pathien Achunghnungtak chu an infie a, a chungah an hel a, A thu inhhriettirhai chu an zâwm si naw a.

DANIEL 4:2

Pathien Chunghnungtakin ka kuomah inchiknahai le thilmakhai a thaw chu inentir hi ṭhain ka hriet a.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

MIKA 6:6

Ieng lêm Lalpa hmaa chun hung ka ta, Pathien chunghnung hmaa chun kûn ka ta? Pumrawhmang thilinhlânhai, bâwngte kum khat mihai leh a hmaa chun ka hung ding am a nih?

MARKA 5:7

Chun, râwl inringtaka khêkin, “Isu, Pathien Chunghnungtak Naupa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

THILTHAWHAI 16:17

Ama chun Paula le keini a mi zui a, “Hienghai, sandamna lampui hriltu cheu hi, Achunghnungtak Pathien suokhai an ni hi,” tiin a khêk a.

HEBRAIHAI 6:20

chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût ta a.

HEBRAIHAI 7:2

Ama chu Abrahamin iengkim sâwma pakhat a pêk a. A hming umzie chu a hmasatakah Felna Lal a na, a dawtah Salem lal a ni bawk a, chu chu Remna Lal tina a nih.

HEBRAIHAI 7:3

Ama chu pa nei lovin, nu nei lovin, chi thlatuhai chanchin nei lovin, um ṭanna nei lovin, hring tâwp khawm nei chuong lovin, Pathien Naupa anga siema umin, Thiempuah a um zing a nih.

HEBRAIHAI 7:6

amiruokchu, anni laia thlatuhai sui sa ve naw khan Abrahama inthawkin sâwma pakhat a lâk a, thutiemhai vawngtu chu mal a sâwm ta si a.