HEBRAIHAI 6:11 - Pathien Lekhabu Inthieng (BSI)

¹¹ Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

HEBRAIHAI 6:11 ပူးပေါင်းရင်းမြစ်များ

ISAI 32:17

Chun, felna sinthaw chu inremna nîng a ta, felna thil suok chu kumkhuoa muongtaka umna le ring tlata umna nîng a tih.

MATTHAI 24:13

Nisienlakhawm, a tâwpna chena tuor pei taphawt chu, chu ngei chu sandamin um a tih.

LUKA 1:1

Eini laia thil hung tlung tahai chanchin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro lovin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

GALATI 5:5

Keini chun Thlarau zârah ringnain felna beiseina kan nghâk si a.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

PHILIPPI 3:15

Chuongchun, puitling taphawt chu chuong ang lungril putin um ei tiu; chun, ieng kawnga khawm lungril danglam put in lo ni chun, chu khawm chu Pathienin lân hriettir a ti cheu.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

1 THESSALONIKA 1:5

khânga kan Chanchin Ṭha chu thu chaua tlung lova, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet si a.

1 THESSALONIKA 4:10

Makedonia ram pumpuia unau umhai po po chunga chun chu chu in thaw ngei bawk a nih: nisienlakhawm, unauhai, thaw nâwkzuol deu deu dingin kan infui cheu a nih.

2 THESSALONIKA 3:13

Unauhai, nangni ruok chun thil ṭha thaw hi nghawk naw ro.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

JOSUA 7:3

Chun, Josua kuoma chun an kir nâwk a, a kuomah, “Mi po po chu hang fe kher da el raw hai se, mi sâng hni amanih, sâng thum amanih hang fe hai sienla, Ai khuo chu thaw raw se; mi po po hang suksâwl kher ding a ni naw ie, tlâwmte chau an ni si a,” an ta.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

2 PETER 1:10

Chuleiin, unauhai, a kona le a thlangna cheu chu sukdet dingin taimâk insuo nâwkzuol ro; chuong chu in thaw chun ieng tik khawm tlu naw ti niu;

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

1 JOHAN 3:14

Unauhai ei hmangai leiin thinaa inthawkin ei suok a, hringnaah ei lût tah ti ei hriet. Tûkhawm hmangaina nei naw taphawt chu thinaah a la um zing a nih.

1 JOHAN 3:19

Chutaka chun thutaka inthawk ei nih ti inhrieng ei ta, ama mithmu ngeiah ei lungril chu thlêm tlai bawk ei tih,

THUPUONGSUO 2:26

A hnetu taphawt le a tâwp chena ka thilthawhai pawmtu chu hnam tin chungah thu inneitir ka tih;