HEBRAIHAI 6:10 - Pathien Lekhabu Inthieng (BSI)

¹⁰ In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.

HEBRAIHAI 6:10 ပူးပေါင်းရင်းမြစ်များ

NEHEMIA 13:22

Chun, Levi mihai chu inthien faia, châwlni sukthiengna dinga kul kawtkhâr hung vêng dingin thu ka pêk a. Aw ka Pathien, hi thua khawm hin mi hre zing la, i lunginsietna nasatzie ang peiin mi hla rawh.

NEHEMIA 13:31

a hun ruot senga thing inhlân ding le thlai thar hmasa tak ta ding dâmin. Aw ka Pathien, a ṭha tiengin mi hre zing rawh khai.

NEHEMIA 5:19

Aw ka Pathien, hieng mihai ta dinga ka thilthawhai po po hi ka ṭhatna dingin hre zing raw aw.

INPÂKNA HLABU 20:3

I thilinhlân po po chu hre zing sienla, I pumrawhmang thilinhlân chu lâwm raw se.

FESUOKNA 1:20

Pathienin naudawmtuhai chu ṭhatakin a ngaisak a; Hebrai mihai chu an hung pung a, thilthawtheitak an hung ni ta a.

THUVARHAI 14:31

Mi pasie nêksâwrtu chun ama Siemtu a hmusit a nih, Tlasam chunga lunginsietna nei ruok chun ama ân za a nih.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUHRILTU 11:1

Tuihai chunga chun i bei chu pei la, Ni tamtak hnunga chun i hmu nâwk ding a ni si a.

JEREMIA 18:20

Thil ṭha naw chu thil ṭhaa thung a ni ding am a nih? Ka thlarau ta dingin khur an cho ta si a. An ta dinga thil ṭha hril dinga i hmaa, i lunginsenna annia inthawka sukkieng dinga ka ngîr kha hre zing la.

JEREMIA 31:16

Lalpa chun hieng hin a tih: I râwl chu ṭapnaa inthawk le, i mithai chu mitthlihaia inthawkin insûm rawh; i sinthaw chu lâwmman pêk a ni ding a ni si a, Lalpa chun a tih; chun, anni chu hmêlma rama inthawk chun hung kîr nâwk an tih.

MATTHAI 10:42

Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 20:7

Anni chun a kuomah, ‘Tukhawmin an mi ruoi naw leiin,’ an ta. Ama chun an kuomah, ‘Nangni khawm grêp huonah va fe ta u,’ a ta.

MATTHAI 25:17

Chuong ang bawkin talent hni dawngtu khawm chun talent hni dang a sukdawk ta a.

MARKA 9:41

Tûkhawm Krista mi in ni leia tuisik no khat dâwn ding pe taphawthai cheu chu, titakzetin ka hril cheu, an lâwmman ding chu inhmang ta naw tawp a tih.

JOHAN 13:20

Titakzetin, titakzetin ka hril cheu hi, tûkhawm ka itir taphawt lâwm chu, keima mi lâwm a nih; tûkhawm kei mi lâwm chu a mi tirtu lâwm a nih,” a ta.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:13

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

2 KORINTH 9:1

Mi inthienghai rawngbâwl thu chu in kuoma ka ziek a ngai naw ie,

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 THESSALONIKA 1:3

Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 10:32

Nisienlakhawm, inhmaa sukvara in um hnunga tuorna buoi nasatak in tuor lai nihai kha ngaituo nawn nâwk hlak ro:

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.