HEBRAIHAI 6:1 - Pathien Lekhabu Inthieng (BSI)

¹ Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

HEBRAIHAI 6:1 ပူးပေါင်းရင်းမြစ်များ

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 21:29

Ama chun, ‘Ka nuom nawh,’ a ta, a dawn a; nisienlakhawm, a nakie chun a lungril ân thleng a, a fe ta a.

MATTHAI 21:32

Johan chu felna kawnga chun in kuomah a hung a, ama chu in awi si naw a; nangni chu in hmu hnung khawmin ama chu in awi theina dingin in inlet chuong si naw a.

MATTHAI 3:2

“Sim ro, vân ram chu a hnai tah,” tiin.

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

MATTHAI 7:25

Ruo dâm a hung sûr a, tui dâm a hung lien a, thli dâm a hung hrâng a, chu in chu a hung nam sawk sawk a; nisienlakhawm, a chim naw a; lungpui chunga rem tlat a ni leiin.

MARKA 1:1

Pathien Naupa Isu Krista Chanchin Ṭha hung tlung phutna chu.

MARKA 6:12

Chuongchun, an fe suok a, mipuihai kuomah simna thu an hril a.

LUKA 6:48

In bâwltu, inthûktaka choa, lung- pui chunga lungphûm remtu ang chu an nih. Chun, tui a hung lienin tui hrâtin chu in chu a khaw a, a sukhnîng thei naw a, a bâwl ngun leiin.

JOHAN 12:44

Chun, Isu a khêk a, “Tûkhawm keia mi ring chu keia mi ring a ni naw a, a mi tirtu ring a ni lem.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

1 KORINTH 13:10

a famkim a hung tlung pha ruok chun a kimnaw hi bân ni tâng a tih.

1 KORINTH 2:6

Amiruokchu, puitlinghai lai chu thu var kan hril hlak; nisienlakhawm, hi khawvêl thu var chu a ni nawh, hi khawvêl rorêltu bohmang dinghai thu var chu a ni bawk nawh;

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:5

ei bawsietna leia thi ei ni lai meu khawmin, Krista ruolin a mi sukhring ve a, (lunginsietnaa sandam in ni tah),

EPHESI 4:12

Krista taksa siem ṭha dinga, rawngbâwlna sin thawa, mi inthienghai sukfamkim dinga,

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 6:19

hringna, hringna taktak chu an vawng theina dingin, hun hung tlung dinga ding chun lungphûm ṭhatak an ta dinga lo rem dingin infui rawh.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 12:13

chun, kebai chu sukpelsawl lova, sukdama a um lemna dingin, in kehai ta dingin lampui tlûnhai siem ro.

HEBRAIHAI 7:11

Chuongchun, Levihai thiempu nîna leia famkimna hmu thei a ni chun (chu hnuoia chun mihaiin Dân thu an lo hmu si a), Aron um dân anga ruot lovin, Melkizedek um dân anga thiempu dang hung um hi ieng am a ngai na?

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 1:4

Chun, iengkhawm tlasam lova in famkima, in puma in him theina dingin, selna chun thaw famkim raw se.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.