HEBRAIHAI 5:7 - Pathien Lekhabu Inthieng (BSI)

⁷ Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

HEBRAIHAI 5:7 ပူးပေါင်းရင်းမြစ်များ

INPÂKNA HLABU 22:24

Ama chun rinum tuortu rinumzie chu a hmusit naw a, a tirdak bawk nawh; A hmai chu a kuoma inthawkin a thup naw a, Ama a ko chun a lo ngai lem hlak.

INPÂKNA HLABU 69:1

Aw Pathien, mi sandam rawh, Tuihai chu ka rînga chen hin a lût ta si a.

INPÂKNA HLABU 88:1

Aw Lalpa, a mi sandamtu Pathien, A sûn a zânin i hmaah ka khêk hlak a:

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

LEVI DÂN 2:2

chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

MATTHAI 27:46

Chun, zânbu suong pha vêl chun, Isu chu râwl inringtakin, “Eli, Eli lama sabakthani” tiin a khêk suok a. (Chu chu, “Ka Pathien, ka Pathien, iengdinga i mi mâksan?” tina a nih.)

MATTHAI 27:50

Chun, Isu chu râwl inringtakin a khêk nâwk a, a thlarau ân thla ta a.

MARKA 15:34

Chun, zânbu suong phâ chun Isu chu râwl inringtakin, “Eloi, Eloi, lama sabakthani?” tiin a khêk suok a. (Chu chu “Ka Pathien, ka Pathien, iengdinga i mi mâksan?” tina a nih).

MARKA 15:37

Chun, Isu chu râwl inringtakin a khêk a, a thlarau ân thla ta a.

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 11:35

Isu a ṭap ta a.

JOHAN 11:42

Kumkhuoin ka thu i ngai hlak ti ka hriet zing a nih; nisienlakhawm, mipui ngîr khup lei hin chu chu ka ti a nih, nangin i mi tir ti an ring theina dingin,” a ta.

JOHAN 17:1

Chuong thu chu Isûn a hril a; chun vântieng nghain, “Pa, a hun a tlung tah; i Naupa chawimawi rawh, Naupa hin a chawimawina ding chein;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

GALATI 4:4

Nisienlakhawm, a hunbi a hung kim khan, Pathienin a Naupa, nuhmei inei, Dân hnuoia hung piengin, a tir suok ta a,

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:5

Chuongchun, khawvêla a hung lût laiin: “Inthawina le thil inhlân i dit naw a, Ka ta dingin taksa i mi buotsai pêk lem a;

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 2:14

Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,

1 JOHAN 4:3

Chu chu Krista kaltu thlarau, a hung ding in hriet kha a nih; tu khawm hin khawvêlah a um zing tah a nih.

2 JOHAN 1:7

Hlêmtu tamtak Isu Krista chu tisain a hung ti ṭan nawtuhai kha khawvêla hin an hung suok ta si a. Chuong ang mi chu an nih, hlêmtu le Krista kaltu chu.