HEBRAIHAI 5:4 - Pathien Lekhabu Inthieng (BSI)

⁴ Chun, tûkhawmin chu chawimawina chu mâni ta dingin an inbel ngai nawh. Aron anga Pathien iko an ni naw chun.

HEBRAIHAI 5:4 ပူးပေါင်းရင်းမြစ်များ

1 CHANCHIN SUINA 23:13

Amram naupasalhai chu: Aron le Mosie; chu, Aron le a naupasalhai chu ama le a nauhai chun thil inthienghai chu hlânthieng a, kumkhuoa Lalpa hmaa riminhnik raw ding le, ama rawngbâwl ding le, ama hminga malsâwm kumkhuo dinga suktum an nih.

2 CHANCHIN SUINA 26:18

lal Uzzia chu an sawisêl a, a kuoma chun, “Uzzia, Lalpa kuoma riminhnik raw hi nanga chan a ni naw a, Aron naupasalhai thiempuhai, riminhnik raw dinga sukthienga umhai chan a ni lem; hmun inthienga inthawk hin fe suok rawh; i bawsiet a ni ta si a; Lalpa Pathiena inthawka inza i kaina khawm ni chuong bawk naw nih,” an ta.

EZRA 7:5

Abisua naupa, Phinehas naupa, Eleazar naupa, Aron thiempu laltak naupa:

FESUOKNA 28:1

“I unaupa Aron hi Israel mihai laia inthawkin ama le a naupasalhai hi, thiempu sina ka hmaa rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah hung ṭhuoi rawh.

LEVI DÂN 8:2

“Aron chu a naupasalhai leh ṭhuoi la, silfênhai, hriek nâlmi dâm, suol inthâwina ding bâwngchal dâm, berâmchal pahni, chawl ṭhanglo bei bâwm khat le chun chawi bawk la;

NAMBAR 16:10

Levi naupasal in unauhai po po le ama hnai dinga ân umtir cheu hi thil chînah in ngai a ni maw? Thiempu nina khawm in la zawng sa rawp a ni maw?

NAMBAR 16:35

Chun, Lalpa kuoma inthawkin mei a hung suok a, riminhnik inhlântu mi za hni le sâwmnga hai chu a hung kâng hlum ta a.

NAMBAR 16:40

Mosie hmanga a kuoma Lalpain a lo hril ta ang chun, Aron thla ni lo hnam dang hrim hrim Lalpa hmaa riminhnik raw dinga an fe hnai nawna ding le, Kora le a pâwlhai anga an hung um nawna dingin.

NAMBAR 16:5

Kora le a pâwlhai po po kuoma chun, “Zingah zîngkâr Lalpain a tahai le ân thienghai chu suklangin ama va hnai dingin hung tîng a ta, a thlanghai ngei chu ama va hnai dingin tîng a tih.

NAMBAR 16:7

zingah meilâkna dâm chawi unla, chutaka chun mei sie unla, Lalpa hmaah riminhnik phul ro; chun, Lalpain a thlang taphawt chu inthieng el a tih. Levi nauhai, in insukngêng êm el,” tiin a hril a.

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

NAMBAR 3:3

Hienghai hi thiempu ni dinga hriek nâl, thiempu sinthaw dinga a suktum Aron naupasalhai hming chu a nih.

JOHAN 3:27

Johanin a dawn a, “Mihriemin iengkhawm an nei thei nawh, vâna mi pêk a ni naw chun,