HEBRAIHAI 5:12 - Pathien Lekhabu Inthieng (BSI)

¹² A hun ngaituo chun inchûktirtu ni rau ta âwm in nia chu, Pathien thu inchûktirna bulhai chu inchûktir in ngai nâwk ta a; bu rum ni lova, nênetui la ngai mi ang in hung ni nâwk ta hi.

HEBRAIHAI 5:12 ပူးပေါင်းရင်းမြစ်များ

2 SAMUEL 16:23

Chuong laia rem a ruot, Ahithophel remruothai chu, Pathien thu ngai anga ngai a ni hlak a, chuong ang bawk chun, Ahithophelin David le Absalom rem a ruotpuihai po po chu ngai a ni hlak.

EZRA 7:10

Ezra chun Lalpa dân inchûka zâwm tlat ding le, a dânhai le thupêkhai chu Israel rama chun inchûktir a lungrilin a tum tlat a.

INPÂKNA HLABU 34:11

Hung ro, naupanghai ka thu ngai ta u, Lalpa ṭi dân lo inchûktir ka ti cheu.

ISAI 28:13

Chuleiin, an fe a, an thala an tlûk a, an kawinawi a, chânga an âwk a, mana an um theina dingin, Lalpa thu chu annirawi ta ding chun, thununna thu chunga thununna inchuon a, thununna thu chunga thununna inchuon a, dân chunga dân inchuon a, dân chunga dân inchuon a; sawtakah tlawmte, hitakah tlâwmte ti ruok ni el a tih.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

THILTHAWHAI 7:38

Ama chu thlalêra pungkhâwmhai laia Sinai tlânga betu vântirko kuoma le ei thlatuhai kuoma um kha a nih; ama chu a mi pêk sâwng dinga thu hringhai latu kha a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawltira a um lei a ni tak.

1 KORINTH 14:19

nisienlakhawm, kohran inkhâwmnaa chun, ṭawng hrietlova thu sîng khat hril nêk chun, mi danghai kân chûktir theina dingin ka hriettheinaa thu panga chau hril ka nuom lem.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

GALATI 4:3

Chuong angin eini khawm naupang ei ni lai khan, khawvêl A AW B hnuoiah suokin ei um.

PHILIPPI 3:1

A tâwp taka chun, unauhai, Lalpaa chun lâwm ro. Thu pângngai in kuoma ziek rawp hi keia ta ding chun nghawkum a ni nawh, nangni ta dingin a ṭhahnem bawk si a.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

HEBRAIHAI 10:32

Nisienlakhawm, inhmaa sukvara in um hnunga tuorna buoi nasatak in tuor lai nihai kha ngaituo nawn nâwk hlak ro:

HEBRAIHAI 5:11

Chu mi chanchina chun hril ding tamtak kan nei a, hrilfie khawm ân tak, in na a lo sêt ta leiin.

HEBRAIHAI 5:13

Nênetui ring taphawt chun felna thua chun hrietna an nei naw a, nautê an la ni leiin.

HEBRAIHAI 6:1

Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.