HEBRAIHAI 5:1 - Pathien Lekhabu Inthieng (BSI)

¹ Thiempu Laltak taphawt, suolnahai leia thilpêk le inthâwina ân hlân kawp theina dingin, mihriem laia inthawka lâk tuma lo umin, Pathien tieng thilhaia chun mihriemhai ta dingin ruot an ni hlak si a.

HEBRAIHAI 5:1 ပူးပေါင်းရင်းမြစ်များ

LEVI DÂN 8:2

“Aron chu a naupasalhai leh ṭhuoi la, silfênhai, hriek nâlmi dâm, suol inthâwina ding bâwngchal dâm, berâmchal pahni, chawl ṭhanglo bei bâwm khat le chun chawi bawk la;

LEVI DÂN 9:7

Chun, Mosie chun Aron kuomah, “Maichâm kha hung hnai la, i suol inthâwina dâm, i pumrawhmang thilinhlân dâm inhlân la; nangma ta ding le mipuihai ta dingin intlanna siem rawh; chun, mipuihai thilinhlân chu inhlân la, intlanna siempêk rawh, Lalpain thu a pêk ta angin,” a ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:17

Chuongchun, Pathien tieng kawnga chu, Krista Isua chun suong ding ka nei a nih.

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

HEBRAIHAI 10:11

Chun, thiempu tinrêngin kâwla nisa suok tiema rawng bâwlin suolhai iengtik lai khawma sukbo thei naw inthâwina pângngai inhlân rawpin an ngîr hlak;

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni si a; chuongchun, hi Thiempu Laltak khawm hin ieng amani bêk inhlân ding nei a ngai a nih.

HEBRAIHAI 8:4

Hnuoia hin hung um sien chu Thiempu hrim ni naw tawp a tih; Dân thu ang peia thilpêk inhlântuhai lo um sa an um leiin.

HEBRAIHAI 9:9

chu chu tulai tekhina hi a nih; chuong ang peiin thilpêk le inthawinahai khawm an inhlân hlak, chuonghai chun sie le ṭha hrietna kawnga chun a betu chu a sukfamkim thei nawh;