HEBRAIHAI 4:3 - Pathien Lekhabu Inthieng (BSI)

³ Eini ring tahai hi chu châwlnaa chun ei lût zing a nih. “Ka lungsena kân khâm ang khan, Ka châwlnaa chun lût naw ni hai,” a ti ang khan, leilung insieng tira sinhai chu thaw zo ni ta sien khawm.

HEBRAIHAI 4:3 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

INPÂKNA HLABU 95:11

Chuleiin, “Ka châwlnaa chun lût naw ni hai,” tiin, Lunginsenin ṭawng kân khâm ta a.

FESUOKNA 20:11

ni ruk sûngin Lalpa chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl si a; chuongchun, Lalpain châwlni chu mal a sâwm a, ân ser ta a.

ISAI 28:12

“Hi hi a nih châwlna chu, sâwlhai chu inchâwltir ro; hi hi a nih insukharna chu,” a tihai chu: nisienlakhawm, an ngai nuom si nawh.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, Lalpa chu ka nih, ti mi hre tâng in tih.

MATTHAI 13:35

zâwlneiin, “Tekhithuin ka bau kâng ka ta, Leihnuoi insieng tîra inthawka thil inthup chu hril dawk ka tih,” tia a hril kha a hung tlung theina dingin.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

HEBRAIHAI 3:11

Ka lungsena kân khâm ang khan, Ka châwlnaa chun lût naw nihai,” tiin.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;