HEBRAIHAI 4:13 - Pathien Lekhabu Inthieng (BSI)

¹³ Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

HEBRAIHAI 4:13 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 6:30

i umna vâna inthawk chun nangin lo hre la, ngaidam la, mi tin chu, a lungril chu nangin i hriet a, a lampuihai ang po po ngei chun nangin inhmutir rawh; (nang chun, nang chauin mihriem nauhai lungril chu i hriet si a;)

JOB LEKHABU (THE BOOK OF JOB) 26:6

Ama hmaa chun Seol chu saruok a nih, Sietna khawm chun silfên a nei nawh.

JOB LEKHABU (THE BOOK OF JOB) 34:21

A mithai chu mihriem lampuihai chunga chun a fu a, A fe vêl po po khawm chu a hmu zing a.

JOB LEKHABU (THE BOOK OF JOB) 38:17

Thina kawtkhârhai chu i kuomah suklang a ni ta hlak am? Annawleh, thina hlim kawtkhârhai chu i hmu hlak am?

INPÂKNA HLABU 139:4

Ngai ta, aw Lalpa nangin i hriet fai vawng naw chu, Ka leia hin thu hrim hrim a um nawh.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

INPÂKNA HLABU 90:8

Kan rîtlonahai chu i hmaah i sie a, Kan suol iprûkhai chu i hmêl varah i sie ta a.

THUVARHAI 15:11

Seol le Abaddon hman Lalpa hmaa chun an um a, Mihriem nauhai lungrilhai chu a va um nasa âwm deh e!

THUVARHAI 15:3

Lalpa mithai chu hmun tinah a um a, Thil ṭha le thil ṭha naw chu a hmu zing hlak.

THUVARHAI 5:21

Mihriem lampuihai chu Lalpa mithai hmaah a um si a, Ama chun a lampuihai po po chu a siemruol hlak.

THUHRILTU 12:14

Pathien chun sin tinrêng chu rorêlnaah a hung lâk lût ding a ni si a, thil inthuphai po po le, a ṭha khawm a ṭha naw khawm chu.

JEREMIA 16:17

An lampuihai po po chu ka mit chun a en zing a, ka hmaia inthawka thup an ni naw a, ka mithmua inthawkin an suolnahai khawm chu thup a ni bawk nawh.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 23:24

Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

JEREMIA 29:23

Israel rama chun invêtthlâktakin thil an thaw a, an tuolbâwmhai nuhmei le chun an uire a, ka hming sâlin ka thupêk lova khêl thu an hril leiin; chun, kei chu a hretu, a hrietpuitu chu ka nih, Lalpa chun a tih.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

MATTHAI 6:4

chuongchun, i Pa a rûka hmutu che chun thung a ti che.

JOHAN 2:24

Nisienlakhawm, Isu chu anni lai a ngam nawh, mi po po a hriet a.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 4:16

Chun, Isûn a kuomah, “I pasal va ko la, hitakah hung nâwk rawh,” a ta.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.