HEBRAIHAI 4:1 - Pathien Lekhabu Inthieng (BSI)

¹ Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

HEBRAIHAI 4:1 ပူးပေါင်းရင်းမြစ်များ

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

NAMBAR 14:34

Ram in va enthlâk ni zât; ni sâwmli chu, ni khat aiah kum khat pei, kum sâwmli sûng zet in bawsietna chu tuor phâng in ta, chuongchun, ka lungni nawzie hi hre tâng in tih.

MATTHAI 24:48

Amiruokchu, suok suol chun a lungrilin, ‘Ka pu a hung vak naw ding a nih,’ tiin,

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:23

Mi po poin thil an suksuol vawng ta a, Pathien ropuina an chang zo ta naw a nih.

1 KORINTH 10:12

Chuleiin, ngîra inngai in ni chun, in tlûk nawna dingin fimkhur ro.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

2 TIMOTHE 2:13

Eini ringum lovin um inla khawm, Ama chu ringumin a um zing a nih; Ama le ama ân phat thei si naw a,” ti hi.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

HEBRAIHAI 3:11

Ka lungsena kân khâm ang khan, Ka châwlnaa chun lût naw nihai,” tiin.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

HEBRAIHAI 4:9

Chuongchun, Pathien mihai ta ding chun Châwlnia châwlna a la um ta rawp a.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.