HEBRAIHAI 3:3 - Pathien Lekhabu Inthieng (BSI)

³ Sûng khata a puipa chu a sûnghai nêkin an chawimawi ang ngeiin, Ama chu Mosie nêkin ropuina nasa lem hmu tlâka ruot a ni si a.

HEBRAIHAI 3:3 ပူးပေါင်းရင်းမြစ်များ

ZEKARIA 4:9

“Hi in lungphûm hi Zerubbabel kuthai chun a lo phûm ta a; a kuthai chun zo khawm zo ngei a tih; chun, nang chun sipaihai Lalpa chun a mi hung tir a nih ti hre tâng i tih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

2 KORINTH 3:7

Mosie hmêl a ropui leiin Israel nauhai chun a hmêl an en zing thei naw a. (chu ropuina chu a bo ta riei riei a), thina rawngbâwlna lunga hawrawpa ziek hman, chuong ang khawpa ropuiin a tlung chun,

KOLOSSA 1:18

Ama chu a taksa Kohran lu a na, iengkima a chunghnung tak a hung ni theina dingin, a bulpui, mithi laia inthawka tho hmasatak chu a nih.

HEBRAIHAI 2:9

Nisienlakhawm, Isu vântirkohai nêka inhnuoia siema la um hri chu thina tuor leia ropuina le chawimawina inkhumtira umin ei hmu ta lem a nih; Pathien lunginsietna leia thîna chu mi tin ân tempêkna dingin.

HEBRAIHAI 3:4

Sûng tin hin a puipa tu amanih bêk an nei seng hlak a, iengkima a puipa ruok chu Pathien a nih.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.