HEBRAIHAI 3:1 - Pathien Lekhabu Inthieng (BSI)

¹ Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 3:1 ပူးပေါင်းရင်းမြစ်များ

INPÂKNA HLABU 110:4

Lalpa chun ṭawng ân khâm a, inlêt ta naw nih, “Nang chu Melkizedek um dân anga, Chatuon Thiempu i nih ie,” tiin.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 41:20

Lalpa kut chun chuong chu a thaw a nih ti le Israelhai Mi Inthieng chun a siem a ni ti an hmu a, an hriet a, an ngaituo a, an hrietthiem sengna dingin.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, Lalpa sinthaw chu an ngaisâng ngai naw a, a kut thilthaw chu an ngaituo ngai bawk nawh.

EZEKIEL 12:3

Chuleiin, nang mihriem naupa, sal intâng ding angin thuomhnaw intêl la, sûnah an mithmu ngeiah fe suok rawh; chun, an mithmua chun i hmuna inthawkin hmun dangah insawn rawh; sûngkaw hel hmang an ni nâka chu an ngaituo thei rawi mawh.

EZEKIEL 18:28

Ama chun a ngaituo a, a lo thaw tah, a bawsietnahai po poa inthawk chun ân her hmang tâk leiin thi naw ni a, hring ngei ngei a tih.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

HAGGAI 2:15

Chuleiin, Vawisuna inthawkin fimkhur takin ngaituo ro, Lalpa biekina lung chunga lung intieng a ni hma hun hai kha;

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring lovin um naw la, ring el rawh,” a ta.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:17

Chun, a kâu a ṭhen chu suktlieka umin, nang oliv puopa ni si, anni laia zawma umin, oliv thing hringna ṭha în ṭawmpui ve a ni chun,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:27

Anih, lungnitaka an thaw a nih, an kuomah an bat hrim bawk a; Jentailhaiin an thlarau tieng thilah an in ṭâwmpui si chun, khawvêl tieng thilin anni sawmdâwl ve thung a ṭûl hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:8

Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawngbâwltuin a hung um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:24

Chu lunginsietna bêlhai chu Judahai lai chau ni lovin, Jentailhai laia inthawka kohai khawm ei nih.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng si a.

1 KORINTH 9:23

Chanchin Ṭha leiin iengkim ka thaw hlak, chan ka nei ve theina dingin.

2 KORINTH 1:7

Chun, rinumna chang vehai in ni angin, thlamuongna chang vehai in ni bawk ti kan hrietin, kan beisei pêkna cheu hi a det a nih.

2 KORINTH 9:13

Hi rawngbâwlna hin a fiena cheu leiin, Krista Chanchin Ṭha in iawi in zâwmzie lei le, anni ta ding le mi po po ta dinga thawlâwm thawnaa in tiktlaizie lei hin Pathien an sukropui hlak in sawnnaw.

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 4:4

A ko san cheu beiseina hmunkhata ko in ni ang bawk khan, taksa pakhat le Thlarau pakhat chau a um a.

PHILIPPI 3:14

Krista Isua Pathien chungtieng kona san lâwmman hmu dingin, tiem chin tieng chu ka pan ṭâl ṭâl a nih.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

KOLOSSA 1:22

Tu ruok hin chu a taksa thina leiin, thienghlim le sawiselbo le hmelhemlova a hmaa in um theina dingin ama leh a sukrem ta cheu a nih.

KOLOSSA 3:12

Chuongchun, Pathien mi thlang, mi inthieng le dittakhai angin inlainatna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

1 THESSALONIKA 5:27

Hi lekha hi unau po po kuoma chun tiem dingin Lalpa hmingin ka phût cheu.

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

2 THESSALONIKA 2:14

Chuong anga ding chun ama chun kan Chanchin Ṭhaa hin a ko cheu kha, ei Lalpa Isu Krista ropuina nei dingin.

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

1 TIMOTHE 6:2

Chun, ringtu pu neihai chun, unau an ni leiin ngainêp naw raw hai se; amiruokchu, ṭhathnemna hmutuhai chu ringtu le dittakhai an ni leiin an rawng bâwlpêk zuol lem raw hai se. Hieng thu hi inchûktir la, infui rawh.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

2 TIMOTHE 2:7

Ka thu hril hi ngaituo rawh; Lalpa chun kawng iengkimah hriettheina a pêk ding che a ni si a.

HEBRAIHAI 10:19

Chuongchun, unauhai, Isu thisen lei chun, Hmun Inthienga khan lût ei huom a;

HEBRAIHAI 10:21

Chuongchun, Pathien sûnghai chunga Thiempu ropuitak ei nei leiin,

HEBRAIHAI 10:23

Inhnîng lovin ei beisei thuring hi pawm tlat ei tiu; thutiemtu chu ring a um si a.

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek si a.

HEBRAIHAI 2:11

A sukthiengtu le a isukthienghai chu an rêngin Mi pakhata suok an ni si a; chuleiin, ama chun anni chu “Unauhai,” ti ân zak naw a:

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

HEBRAIHAI 6:20

chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût ta a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 7:28

Dân thu chun mihriem hrât nawna neihai chu, Thiempu Laltakah a ruot hlak a; inkhâm thu, Dân thu hnunga hung um ruok chun, Naupa chatuona dinga sukfamkim ta chu a ruot lem a nih.

HEBRAIHAI 9:11

Nisienlakhawm, Krista chu thil ṭha hung um dinghaia Thiempu Laltak hung niin, biekbûk kuta bâwl naw, (chu chu hieng thilsiem laia mi hi a ni nawh tina a nih), ropui le famkim lem fe thlengin,

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 PETER 3:5

Chuong ang bawkin, inhmaa nuhmei inthieng Pathien ringtuhai khawm kha mâni pasalhai thu thua umin an inchei hlak si a.

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 18:20

“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.