HEBRAIHAI 2:3 - Pathien Lekhabu Inthieng (BSI)

³ hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 2:3 ပူးပေါင်းရင်းမြစ်များ

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 20:6

Chuongchun, chu nia chun tuipui panga umhai hin, ‘En ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta si a, eini hi iengtin am tlân suok ei ta?’ la tîng an tih,” a ta.

ISAI 51:5

Ka felna chu a hnai a, ka sandamna chu a suok ta a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 51:8

Hângthimin silfên a fâk siet vawng angin anni chu a fâk siet vawng ding a ni si a, a ngein sahmul a fâk angin anni chu a fâk ding a ni si a; ka felna ruok chu kumkhuoin um a tih, ka sandamna chu suon po po chenin um bawk a tih.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel ta a. A hlawtling ding am a nih? Chuong ang thilthawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 17:18

Thuthlung chu bawsein, inkhâmna chu a lo pêk ta a, amiruokchu, hieng thilhai po po hi a la thaw ta rawp si a; pumpel naw hrim hrim a tih.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MARKA 1:14

Chun, Johan an man hnungin Isu, Pathien Chanchin Ṭha hrilin Galili ramah a hung a;

LUKA 1:2

a tira inthawka mita hmutuhai le thu rawngbâwltuhaiin, an mi hril sawng ang tak khan, mi tamtakin ziek an tum ta hlak a;

LUKA 1:69

A siehlaw David sûnghai lai chun, Sandamna ki a mi siempêk ta si a;

LUKA 24:19

Ama chun an kuomah, “Ieng thil am ie?” a ta. Anni chun a kuomah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;

JOHAN 15:27

nangni khawmin inhriettir bawk in tih, a tîra inthawk ka kuoma in um leiin.

THILTHAWHAI 1:22

Johan Baptisma chena inthawka ei kuoma inthawka vâna ṭhuoia a um ni chen kha hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:14

ka chipuihai kân thîktir hrâm theina ding le, anni laia mi ṭhenkhat ka sandam theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:3

Aw mihriem, chuong ang thil thaw hlaktuhai sawisêltu, nangin chuong ang chu i thaw ve bawk si a, Pathienin a sawisêlna chu pumpel în ring am a ni?

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

1 TIMOTHE 1:15

“Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

TITA 2:11

Mi po po sandamna dingin Pathien lunginsietna chu a hung inlang ta si a.

HEBRAIHAI 1:1

Pathienin inhma khan zâwlneihai hmangin ei thlatuhai kuomah vawi tamtak le kawng dang dangin thu a lo hril hlak a,

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;

JUDA 1:17

Nisienlakhawm, dittakhai, nangni chun, ei Lalpa Isu Krista tirkohaiin thu an hril lâwkhai kha hre zing ro.

THUPUONGSUO 7:10

chuonghai chun rawl inringtakin, “Ei Pathien lalṭhungphaa ṭhung kuoma le, Berâmte kuomah sandamna,” tiin an khêk a.