HEBRAIHAI 2:17 - Pathien Lekhabu Inthieng (BSI)

¹⁷ Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 2:17 ပူးပေါင်းရင်းမြစ်များ

2 CHANCHIN SUINA 29:24

thiempuhai chun an that a, an thisen chun maichâm chunga chun suol thilinhlân chu an inhlân ta a, Israel mi po po ta dinga intlanna siempêk dingin pumrawhmang thilinhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta si a.

ISAI 11:5

Felna hi a kâwnghrên nîng a ta, ringumna hi a kâwngkhi nîng a tih.

EZEKIEL 45:15

chun, berâm ruol za hni peiah berâm pakhat, Israel ram hlopetna hmun ṭhataka inthawkin, bu thilinhlâna ding le, pumrawhmang thilinhlâna ding le, inremna thilinhlâna dinga an ta dinga intlanna siempêk dingin pêk nîng a tih, Lalpa Pathien chun a tih.

EZEKIEL 45:17

Chun, ruoiṭhenahaia le, thla tharhaia le, châwlnihaia le, Israel sûngkuo ruoiṭhena hunbi neihaia chun, pumrawhmang thilinhlânhai, bu thilinhlânhai, dâwnmi thilinhlânhai inhlân chu lal chan chu ni ve thung a tih; Israel sûngkuo ta dinga intlanna siemna dingin, suol thilinhlânhai, bu thilinhlânhai, pumrawhmang thilinhlânhai, inremna thilinhlânhai chu a buotsai ding a nih.

EZEKIEL 45:20

Chuongchun, chu thla ni sari ni chun mi thil lo suksuol ta tinhai ta ding le, mi lo thawpalhai ta dingin thâwng i ta; chuongchun, in ta ding chun intlanna chu siem in tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 14:18

Chun, thiempu chun a kuta hriek la um po chun, inthien ding lu chu nâl a tih. Chun, thiempu chun Lalpa hmaah intlanna a siempêk ding a nih.

LEVI DÂN 16:16

Chuongchun, Israel mipui inthiengnawna lei dâm, an bawsietnahai lei dâm, an suolnahai lei dâmin hmun inthieng puola dingin intlanna siem a ta; chuong ang chun, an inthiengnawna laia chêng intuokna puon in puola ding khawmin siem a tih.

LEVI DÂN 6:30

Suol inthâwina, a thisen, hmun inthienga intlanna siemna dinga intuokna puon ina hung lâk ruok chu fâk ding a ni naw a; râw el ding a nih.

LEVI DÂN 8:15

Mosie chun a that a; thisen chu a lâk a, intlanna siemna dingin, maichâm kihaia chun a kutpârin a vêlin a nâl a, maichâm chu ân hlân thieng a, maichâm bula chun thisen chu a bunthlâk a, a sukthieng ta a.

NAMBAR 15:25

Chun, thiempu chun Israel mipui pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân Lalpa ta dinga meia thilinhlân le an suol aia suol thâwina an inhlân ta leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:17

Chuongchun, Pathien tieng kawnga chu, Krista Isua chun suong ding ka nei a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum si a.

KOLOSSA 1:21

Chun, nangni inhmaa in thil suksuolnaa khan amaa inthawka ṭhein in lo um a, in lungrila chun hmêlma in lo ni bawk kha.

HEBRAIHAI 10:21

Chuongchun, Pathien sûnghai chunga Thiempu ropuitak ei nei leiin,

HEBRAIHAI 2:11

A sukthiengtu le a isukthienghai chu an rêngin Mi pakhata suok an ni si a; chuleiin, ama chun anni chu “Unauhai,” ti ân zak naw a:

HEBRAIHAI 2:14

Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,

HEBRAIHAI 2:16

A iṭhangpui hlakhai chu vântirkohai an ni dêr si naw a, Abraham thlahai an nih a iṭhangpui hlak chu.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 3:2

Pathien sûngkuo po po laiah Mosie a ringum ang bawk khan, Ama chu a ruottu kuoma chun ring a um a nih.

HEBRAIHAI 3:5

Chun, chu hnunga thu la hril dinghai inhriettirna dingin, Mosie chu Pathien sûnghai po po laia rawngbâwltua chun ring a um ngei a;

HEBRAIHAI 4:14

Chuongchun, vânahai fe thleng tah, Thiempu Laltak ropuitak, Isu Pathien Naupa chu ei nei leiin, ei thuring hi pawm tlat ei tiu.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

HEBRAIHAI 5:1

Thiempu Laltak taphawt, suolnahai leia thilpêk le inthâwina ân hlân kawp theina dingin, mihriem laia inthawka lâk tuma lo umin, Pathien tieng thilhaia chun mihriemhai ta dingin ruot an ni hlak si a.

HEBRAIHAI 5:10

Melkizedek um dân anga Thiempu Laltakah Pathienin ân bûk ta a.

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.

HEBRAIHAI 5:5

Chuong ang bawkin Krista khawm chu Thiempu Laltaka siem dingin mâni ân sukropui naw a, “Nang chu ka Naupa i na, Vawisûn hin ka nei che a nih,” tia hriltu khan a sukropui ta lem a nih;

HEBRAIHAI 6:20

chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût ta a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 7:28

Dân thu chun mihriem hrât nawna neihai chu, Thiempu Laltakah a ruot hlak a; inkhâm thu, Dân thu hnunga hung um ruok chun, Naupa chatuona dinga sukfamkim ta chu a ruot lem a nih.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni si a; chuongchun, hi Thiempu Laltak khawm hin ieng amani bêk inhlân ding nei a ngai a nih.

HEBRAIHAI 9:11

Nisienlakhawm, Krista chu thil ṭha hung um dinghaia Thiempu Laltak hung niin, biekbûk kuta bâwl naw, (chu chu hieng thilsiem laia mi hi a ni nawh tina a nih), ropui le famkim lem fe thlengin,