HEBRAIHAI 2:1 - Pathien Lekhabu Inthieng (BSI)

¹ Chuleiin, naa ei ihriethai kha ṭhahnemngaitakin ei pawisa nâwkzuol ding a nih, chuong naw chun, intawl hmang hlau rawi ei tih.

HEBRAIHAI 2:1 ပူးပေါင်းရင်းမြစ်များ

1 CHANCHIN SUINA 22:13

Israel chungthua Lalpain Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

INPÂKNA HLABU 119:9

Tleirâwlin iengtin am a um dân sukthieng thei a ta? I thu ang peia a um dân chu vêngṭhain,

THUVARHAI 3:21

Ka naupa, i mithmuhaia inthawk chun anni chu infehmangtir naw la, Ngairuotthiemna le varna hrisêl chu kawl tlat rawh.

HABAKKUK 1:6

Ngai ro, Kaldaihai kân ngîr suok a nih, Hnam ti rawk rawk le khatak elhai chu. Anni chu, anni ta khawm ni lo umna hmunhai chu, Nei dingin hnuoi khang dâpin an hung a.

HABAKKUK 2:16

Ropuina dinga inzaknaa suksip i ni ta a, Nang khawma dâwn la, saruok chu ni el rawh! Lalpa kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!

MATTHAI 16:9

Tu khawm hin in lungrilin in la hriet naw rawp maw? Mi sâng nga beiphêk panga le, in bâwm rût sip zât kha in hriet zing naw am a nih?

MARKA 8:18

Mit nei zing siin in hmu nâwm a nih? Na nei zing siin in hriet nâwm a nih? In hriet zing ta naw a ni maw?

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

LUKA 9:44

“Chuong thu chu in naah lût raw se, Mihriem Naupa hi mihriemhai kuta inmantirin a um ding a ni si a,” a ta.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok ta a.

DÂN PAHNINA 4:23

Fimkhur hle ro, chuong naw chun, Lalpa in Pathien thuthlung in kuoma a thlung chu theinghil rawi in ta, Lalpa in Pathienin ieng angpui khawma siem a phal naw milimhai dâm insiem fâwm pal rawi in tih.

DÂN PAHNINA 4:9

Chuleiin, fîmkhur unla, nguntakin inenkawl phawt el ro, chuong naw chun, in mita in thil hmuhai chu theinghil in ta, in dam sûngin in lungrila inthawk chun bo hlau rawi a tih; in nauhai le in tuhai chen khawm inchûktir hlak ro.

HEBRAIHAI 12:5

infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

2 PETER 1:15

Anih, ka fe suok hnunga chuong thil chu in hriet zing rawp theina dingin thâwng ka tih.

2 PETER 3:1

Dittakhai, tuta in kuoma ka ziek hi ka lekhathawn pahnina a na, chuonga chun, inhrietthartir ding cheuin, in lungril inthieng ka chawkhar ve ve a,