HEBRAIHAI 13:8 - Pathien Lekhabu Inthieng (BSI)

⁸ Isu Krista chu zâni leh, vawisûn leh kumkhuo khawmin a pângngaiin um rawp a tih.

HEBRAIHAI 13:8 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun Lalpa Chatuon Pathien hming chu a lam a.

INPÂKNA HLABU 103:17

Lalpa zainêmna ruok chu a ṭituhai chunga chun chatuona inthawka chatuon chenin um a ta, A felna khawm an thlahai thlahai chenin;

INPÂKNA HLABU 90:2

Tlânghai insieng hmaa, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 90:4

Nanga ngai chun kum sâng khat hi, Zâni bo ta ang chau kha a na, Zân vêng khat sûng ang chau bawk a nih.

FESUOKNA 3:14

Pathien chun Mosie kuomah, “UMA kha KA NIH” a ti a. Chun, ama bawkin, “Israel mihai kuoma chun, UMA khan in kuomah a mi tir a nih, tîng i tih,” a ta.

ISAI 41:4

A tira inthawkin suon po po koin, tuin am thaw a, thaw zo? Kei Lalpa, a hmasa tak le a nuhnung tak kuoma um hi, a thawtu chu ka nih.

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

MALAKI 3:6

“Kei Lalpa hi ka danglam ngai si naw a; chuleiin, nangni, aw Jakob naupasalhai, in bohmang naw a nih.

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um si a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

HEBRAIHAI 1:12

Puon angin zuol bawk i ta Silfên ang elin, Chuongchun, hung danglam tâng a ta; Nang ruok chu i pângngai rawp a, I kumhai khawm bo naw ni,” tiin.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.