HEBRAIHAI 13:7 - Pathien Lekhabu Inthieng (BSI)

⁷ In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

HEBRAIHAI 13:7 ပူးပေါင်းရင်းမြစ်များ

HLAHAI HLA 1:8

Aw nang nuhmeihai laia hmêlṭha tak, i hriet naw a ni chun, Ran ruolhai kehnunga chun i lampui chu zui suok la, I kêltehai chu berâmpu puon in kâwla chun intlattir rawh.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

LUKA 5:1

Chun, mipuiin Pathien thu an ngai a, ama an bâwr hut hut laiin, ama chu Gennesaret dîl panga chun a ngîr a.

LUKA 8:11

“Tekhithu kha hi hi a nih; Bu chi chu Pathien thu a nih.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlak a; chun, hrietna chu Isu Krista leiin a hung um.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 11:1

Keiin Krista ka entawn angtak hin, nangni khawmin mi entawn ve ro.

1 KORINTH 4:16

Chuongchun, mîn chûk dingin ka ngên cheu a nih.

PHILIPPI 3:17

Unauhai, ka um dân inchûktuhai lo ni tâwl ro; chun, enkhi ding keini in mi nei a, chuong ang peia umhai chu en ṭha ro.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

2 THESSALONIKA 3:7

Nangni ngeiin in mîn chûk ding dân in hriet si a, nangni lai dân naw angin kan châng naw kha.

2 THESSALONIKA 3:9

Kan thei naw lei a ni naw a, nangnîn in mîn chûkna dingin, in mi enkhi dingin kan insiem lem a nih.

1 TIMOTHE 3:5

(miin mâni insûng khawsak hman a rêl fel thiem naw chun, Pathien kohran iengtin am enkawl a ta?)

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

HEBRAIHAI 13:24

In hotuhai po po le mi inthienghai po po kha chibai mi bûkpêk ro. Itali rama mihai hin chibai an bûk cheu.

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.

THUPUONGSUO 6:9

Chun, inchikna pangana chu a hang sût phingleh, maichâm hnuoia Pathien thu lei le an pawm inhriettirna thu leia thathai thlarau chu ka hmu a;