HEBRAIHAI 13:6 - Pathien Lekhabu Inthieng (BSI)

⁶ Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

HEBRAIHAI 13:6 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

1 LALHAI 17:8

Chun, Lalpa thu chu a kuomah a hung tlung a;

INPÂKNA HLABU 124:8

Eini mi ṭhangpuina ding chu, Lalpa hnuoi le vân siemtu hmingah a um,” tiin.

INPÂKNA HLABU 146:3

Mi lienhai chu ring naw unla, Mihriem naupa ṭhangpuina hrim hrim um nawna chu, ring bawk naw ro.

INPÂKNA HLABU 27:9

Ka kuoma inthawk hin i hmai thup naw la, I siehlaw hi i lunginsenin sukbohmang naw la, Nang chu a mi ṭhangpuitu i ni hlak a, Aw a mi sandamtu Pathien, mi pei thla naw la, mi mâksan lul naw rawh.

INPÂKNA HLABU 33:20

Ei hringna hin Lalpa a nghâk zing a, Ama chu mi ṭhangpuitu le ei phaw a nih.

INPÂKNA HLABU 40:17

Kei chu rimsi le pasetak ka nih, Nisienlakhawm, Lalpain a mi ngaituo hlak. Nang chu a mi ṭhangpuitu le a mi sandamtu i na; Aw ka Pathien, sâwt riel lul naw raw khai.

INPÂKNA HLABU 54:4

Ngai ta, Pathien chu a mi ṭhangpuitu a nih; Lalpa chu ka hringna cheltuhai laia mi a nih.

INPÂKNA HLABU 56:4

A thu ka inpâk Pathiena ngei chun. Pathien ka ring a, ṭi naw ningah; Tisa chun ieng am mi law thei a ta?

INPÂKNA HLABU 63:7

Nang chu a mi ṭhangpuitu i ni si a I thla hnuoia chun hlimin hla ka sak ding a nih.

INPÂKNA HLABU 94:17

Lalpa chu a mi ṭhangpuitu ni naw sien la chu, Ka hringna hi hmun reah a um vak ta ding a nih.

FESUOKNA 18:4

Chun, a dang hming chu Eliezer a nih, “Ka thlatu Pathien chu ka ṭhangpuitu a na, Pharao kâwlhnâma inthawkin a mi sansuok ta a” a ti bawk a.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

EPHESI 3:12

Chun, Krista Isu ei ring leiin amaa vêk chun nêlna le ngamtaka lût theina ei nei.

DÂN PAHNINA 33:26

“Aw Jeshurun,i Pathien ang tukhawm an um dêr nawh, A ṭhangpui ding chea vânhaia inthawka hung a, A ropuinaa vân boruokhaia inthawka hung chu.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

HEBRAIHAI 10:19

Chuongchun, unauhai, Isu thisen lei chun, Hmun Inthienga khan lût ei huom a;

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

1 SAMUEL 23:17

Chun, a kuomah, “Ṭi dêr naw rawh, ka pa Saula kut chun zawng suok naw ni che; Israelhai lalah um i ta, kei nanga dawt nîng ka tih, chu khawm chu ka pa Saula hin a hriet zing a nih,” a ta. Chun, an pahni chun Lalpa hmaa thu an thlung a;