HEBRAIHAI 13:15 - Pathien Lekhabu Inthieng (BSI)

¹⁵ Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

HEBRAIHAI 13:15 ပူးပေါင်းရင်းမြစ်များ

2 CHANCHIN SUINA 29:31

Chun, Hezekia chun a dawn a, “Tuhin chu Lalpa kuoma chun in inpêk ta a, hung hnai unla, lâwmna thilinhlânhai le inthâwinahai chu Lalpa ina chun hung inhlân ro,” a ta. Chuongchun, mipuihai le inthâwinahai chu an hung inhlân a; chun, mi a nuom zât zât chun pumrawhmang thilinhlân khawm chu an hung lâk bawk a.

2 CHANCHIN SUINA 33:16

Lalpa maichâm chu a buotsai a, chutaka chun inremna thilinhlânhai, lâwmthu hrilna inthâwinahai ân hlân a, Israel Pathien Lalpa rawng chu bâwl dingin Juda mihai chu thu a pêk ta a.

2 CHANCHIN SUINA 7:6

Thiempuhai chu an sinthaw ang pei chun an ngîr a; an rawngbâwlnaa Davidin ân pâk laia, “A zângaina chu kumkhawtluongin a um zing si a,” tia, Lalpa inpâkna dinga lal Davidin Lalpa thil rimawi thuomhnawhai a siemhai le chun Levi mihai chu an ngîr ve a; chun, thiempuhai chun an hmaa chun tawtawrâwt an hang mût a, Israel mihai po po chu an ngîr ta ṭhuop a.

EZRA 3:11

Lalpa kuoma lâwmthu hrilin le inpâkin insawntuoin hla an sak a, “Ama chu a ṭha si a, Israelhai chunga a zângaina chu kumkhuoin a um zing si a,” tiin. Chun, Lalpa in lungphûm chu phûm a ni ta leiin, Lalpa an inpâk lei chun mipui chu khêkri nasatakin an khêk a.

NEHEMIA 12:40

Chuongchun, lâwm thu hriltu pâwl hnihai chu Pathien inah an ngîr a, kei le rorêltu zâtve hai leh;

NEHEMIA 12:43

Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

INPÂKNA HLABU 118:19

Felna kul kawtkhârhai hi mi hawngpêk unla, Hienga hin lût ka ta, Lalpa kuomah lâwmthu hril ka tih.

INPÂKNA HLABU 119:108

Aw Lalpa, lunginsiettakin, ka baua nuomthua thilpêkhai hi la la, I rorêlnahai chu mîn chûktir rawh.

INPÂKNA HLABU 18:49

Chuleiin, aw Lalpa, hnam tin lai chun lâwmthu hril ka ti che a, I hming inpâkin hla sak bawk ka tih.

INPÂKNA HLABU 50:14

Pathien kuoma lâwmthu hrilna inthâwina inhlân lem la, I thutiem khawm Achunghnungtak kuomah hlen rawh.

INPÂKNA HLABU 50:23

Tukhawm lâwmthu hril inthawina inhlân taphawt chun a mi chawimawi hlak, Chun, a um dân takinningtaka vawngtu kuoma chun, Pathien sandamna inentir ka tih,” a ti a.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

JEREMIA 33:18

thiempu Levi mihai chun ka hmaa pumrawhmang thilinhlânhai, bu thilinhlânhai, ieng huna khawm inthâwina inhlân dingin mi tlasam bawk naw ni hai,” tiin.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

LEVI DÂN 7:12

Lâwmthu hrilna dinga ân hlân chun, lâwmthu hril inthâwinaa chun hrieka hmet chawl ṭhanglo bei le, hrieka nâl chawl ṭhanglo beiphêk inphânhai le, hrieka hmet beiphit inditak inchie zawp ân hlân sa ding a nih.

NAMBAR 7:62

shekel sâwm tluka rik riminhnika sip rângkachak haihaw pakhat;

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

LUKA 10:21

Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.