HEBRAIHAI 12:9 - Pathien Lekhabu Inthieng (BSI)

⁹ Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?

HEBRAIHAI 12:9 ပူးပေါင်းရင်းမြစ်များ

JOB LEKHABU (THE BOOK OF JOB) 12:10

Ama kuta chun thilhring po po hringna chu a um a, Mi chi tinrênghai thlarau leh.

FESUOKNA 20:12

I nu le pa chawimawi rawh: Lalpa i Pathienin a pêk che rama hin i nihai chu a sâwt theina dingin.

THUVARHAI 30:17

Mit a pa hmusittu le, A nu thu awi dinga ngainêptu mit chu, Phairuom vaâkhai chun kheldawk an ta; Mulukawlhai chun fâng an tih.

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

ISAI 38:16

Aw Lalpa, hieng ang thil lei hin mihriemhai hi an hring hlak a, Chuonga chau chun ka thlarau hringna chu a um hlak; Chu chu lei chun mi sukdam nâwkin mi sukhring nâwk rawh.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 45:10

A pa kuomah, “Ieng am i nei leh?” titu amanih, a nu kuomah, “Ieng am i nei ding an leh?” titu chung chu a rik ie!

ISAI 57:16

Kumkhuoin ka do âwm si naw a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

EZEKIEL 22:7

I sûnga chun nu le pa chu hmusitin an um a; i sûnga chun mikhuolhai chu nêksâwrin an sawisa a; i sûnga chun pa neilohai le hmeithai chu an sukkhawhlo ta a.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi Lalpa in Pathien chu ka nih.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

NAMBAR 27:16

“Lalpa, tisa po po thlarauhai Pathien chun pungkhâwmhai chunga chun hotu ruot sienla,

LUKA 18:2

“Khaw ienga manih rorêltu pakhat a um a; ama chun Pathien a ṭi naw a, mihriem hlak a ngaisak bawk nawh.

LUKA 18:4

Chun, ama chu sâwt rei chu a nuom naw a; nisienlakhawm, nakie chun a lungrilin, ‘Pathien ṭi lovin mihriem ngaisak naw lang khawm,

JOHAN 3:6

taksaa pieng taphawt taksa a nih, Thlaraua pieng taphawt chu thlarau a nih.

THILTHAWHAI 2:30

Ama chu zâwlnei a na, Pathienin a ṭhalbea mi tû amanih a ṭhungpha chungah ân ṭhungtir ding a nih ti inkhâmin a hril ti a hriet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:3

Taksa tienga chun ama chu David suona insieng a na,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:3

Ka unauhai, taksa tienga ka chipuihai aiin, kei hi Krista kuoma inthawka ṭhe thlâk khawp hiela thusie phurin um lang ka ti lem a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

DÂN PAHNINA 27:16

“‘A nu amanih, a pa amanih inza naw taphawt chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

JAKOB 4:10

Lalpa mithmuin inngaitlâwm ro, chuongchun, chawimawi a ti cheu.

JAKOB 4:7

Chuongchun, Pathien thu thuin um ro; amiruokchu, Diebol chu kal ro, chuongchun, tlân hmang san a ti cheu.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,

THUPUONGSUO 22:6

Chun, ama chun ka kuomah, “Hieng thu hi ring a umin ân dik a nih; chuongchun, Lalpa zâwlneihai thlarau Pathien chun, thil hung tlung vak dinghai chu a suokhai kuoma inentir dingin, a vântirko a tir a nih.