HEBRAIHAI 12:7 - Pathien Lekhabu Inthieng (BSI)

⁷ In tuor hi nangni thununna ding a nih; nauhai chunga thaw angin Pathienin in chungah a thaw a ni hi; pa thunun naw nau tû am a um hlak a.

HEBRAIHAI 12:7 ပူးပေါင်းရင်းမြစ်များ

2 SAMUEL 7:14

A pa nîng ka ta, ama chu ka naupa nîng a ta, thil a suksuol chun mihriem nauhai hmawl le mihriem nauhai vuoknain thunun ka ta;

1 LALHAI 1:6

A pa hlak chun ieng lai khawma, “Iengdinga hienga i thaw am a ni leh?” tiin a suklungawi naw ngai si naw a; chun, ama hi hmêl ṭhatak a na, Absalom hnuoia mi a nih.

THUVARHAI 13:24

A hmawl hlatu chun a naupa a theida a, Ama hmangaitu ruok chun taimatakin a thunun hlak.

THUVARHAI 19:18

Beiseina a la um laiin i naupa chu thunun la, A sietna ding êm chun lungril nei naw rawh.

THUVARHAI 22:15

Invêtna hi naupang lungrila chun khuopdein a um a, Amiruokchu, sukdikna hmawl chun amaa inthawka hlatakah hnawthmang a tih.

THUVARHAI 29:15

Hmawl le kâwkna hin varna a pêk a, Amiruokchu, naupang a khâta mâksan el hin a nu chu a sukzak hlak.

THUVARHAI 29:17

I naupa chu sukdik la, sâwldamna pêng a ti che, Anih, i lungrila chun lâwmna pêng a ti che.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

1 KORINTH 11:32

Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

DÂN PAHNINA 8:5

Miin a nau a thunun hlak angin Lalpa in Pathien chun a thunun hlak cheu a nih ti hi in lungrilin hre rân ro.

1 SAMUEL 2:29

Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.

1 SAMUEL 2:34

Chun, hi hi, i naupasalhai pahni Hophni le Phinehas chunga thil hung tlung ding chu i ta dingin inchikna nîng a tih; ni khat sûngin an pahniin thi ve vêng an tih.

1 SAMUEL 3:13

A nauhaiin Pathien an hrilsietna suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta si a.