HEBRAIHAI 12:5 - Pathien Lekhabu Inthieng (BSI)

⁵ infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

HEBRAIHAI 12:5 ပူးပေါင်းရင်းမြစ်များ

JOB LEKHABU (THE BOOK OF JOB) 34:31

Mi tukhawma Pathien kuomah an ti ta hlak am, ‘Thununna chu ka tuor ta a, suklungsen nâwk ta ngai dêr naw ning;

INPÂKNA HLABU 118:18

Lalpa chun nasatakin a mi thunun a, Thina kuoma ruok chun a mi pêk êm nawh.

INPÂKNA HLABU 119:109

Ka hringna hi ka kutah a um rawp hlak a, Nisienlakhawm, i dân chu ka theinghil ngai naw a.

INPÂKNA HLABU 119:16

I thuruothai chunga chun lâwm ka ta, I thu chu theinghil naw ning.

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 119:75

Aw Lalpa, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 119:83

Meikhu thlûta savun peng ang chu ka hung ni ta a, Nisienlakhawm, i thuruothai chu ka theinghil nawh.

INPÂKNA HLABU 94:12

Mi i thunun a, i dân thua inthawka i inchûktir chu, Aw Lalpa, a hamṭha.

THUVARHAI 3:1

Ka naupa, ka inchûktirna hi theinghil naw la, Ka thupêkhai hi i lungrilin vawng tlat lem raw se:

THUVARHAI 4:5

Varna hung nei la, hrietthiemna khawm hung nei rawh, Theinghil hlek naw la, ka baua suok thuhaia inthawkin intâwl hmang bawk naw rawh;

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu Lalpa ka Pathien i ni si a,” tiin.

ṬAP HLA 3:39

Iengleiin am mi hring chu mi a suolnahai leia hremna thua chier hlak a na?

LUKA 24:6

[Hitaka hin a um ta nawh, a tho nâwk tah;] Galili rama a um laia in kuoma a thu hril kha hre zing ro.

LUKA 24:8

Chun, a thu hrilhai chu an hriet suok ta a,

1 KORINTH 11:32

Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

1 TIMOTHE 1:20

Chuhai lai chun Humenai le Alexander an na; Pathien hrilsiet naw an inchûk theina dingin anni chu Setan ka pêk a nih.

HEBRAIHAI 12:7

In tuor hi nangni thununna ding a nih; nauhai chunga thaw angin Pathienin in chungah a thaw a ni hi; pa thunun naw nau tû am a um hlak a.

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek si a.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.