HEBRAIHAI 12:3 - Pathien Lekhabu Inthieng (BSI)

³ In hung sâwl a, in thlarau tieng in hung chau nawna dingin, misuolhai theidana nasatak tuormuolsuotu ngei chu ngaituo ro.

HEBRAIHAI 12:3 ပူးပေါင်းရင်းမြစ်များ

THUVARHAI 24:10

Vângduoi nia i chau el chun, I hrâtna chu a tlâwm a nih.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

MATTHAI 11:19

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw,’ an ti si a. Nisienlakhawm, Varna chu a thilthawhaiin thiem ân changtir,” a ta.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 15:2

“Iengdinga i închûktirhaiin upahai thurosie chu an bawsiet hlak am a na? Bei an fâk pha kut an sâwp ngai si naw a,” an ta.

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk che a?” an ta.

MATTHAI 21:46

Chun, ama chu man an tum a; nisienlakhawm, mipuihai chu an ṭi si a, zâwlneiin an ruot leiin.

MATTHAI 22:15

Chu lai chun, Pharisaihai chun a thu hrila an man theina zie ding an vân râwn a,

LUKA 14:1

Chun, Châwlniin Pharisai hotu pakhat ina bu fa dinga a fe laiin, an enthlit a.

LUKA 15:2

Chun, Pharisaihai le Dân inchûktirtuhai chun, “Hi mipa hin mi suolhai a pâwl a, an kuoma hai bu a fâk ve hlak,” tiin an chier ve ve a.

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 5:21

Chun, Dân inchûktirtuhai le Pharisaihai chun, “Pathien hrilsie hi tu am a ni leh? Pathien chau naw chun tuin am suolhai a ngaidam thei a?” tiin an ngaituo a.

JOHAN 10:20

Mi tamtakin, “Khawhri a zâwl a, ân vêt a ni hi; iengdinga a thu in ngai am a na?” an ta.

JOHAN 18:22

Chu chu a hril phingleh, a kâwla ngîr manmi pakhatin Isu a ben a, “Thiempu Laltak hieng ang hin i dawn maw?” a ta.

JOHAN 5:16

Chuongchun, Châwlnia chuong thilhai chu a thaw leiin Judahaiin Isu an suknawmna ta a.

JOHAN 7:12

A chungah mipuihai laia mi an chier sup sup a, a ṭhenin, “Mi ṭha a ni ie,” an ti a; ṭhenkhatin, “Teu lo e, mipui a hlêm lem hlak a nih,” an ta.

JOHAN 8:13

Chuongchun, Pharisaihaiin a kuomah, “Mâni thu inhriettir i nih, i thu inhriettir ân dik nawh,” an ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti si a.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok ta a.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 4:1

Chuleichun, lunginsietna kan hmu ang peia hi rawngbâwlna hi kan nei leiin kan dawl naw a;

2 KORINTH 4:16

Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

DÂN PAHNINA 20:3

an kuomah, ‘Aw Israel mihai, hre ro khai, tuhin chu in hmêlmahai in do ding a ni ta a, zâm naw unla, ṭi naw unla, inthin bawk naw ro, anni chu ṭi dêr naw ro;

2 THESSALONIKA 3:13

Unauhai, nangni ruok chun thil ṭha thaw hi nghawk naw ro.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 12:5

infuina thu, nauhai kâwk anga kâwkna cheu kha in lo theinghil tah a ni maw? “Ka nau, Lalpa thununna chu ngainêp naw la, A kâwka i umin inthlada bawk naw rawh;

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

THUPUONGSUO 2:3

Selna i nei bawk a, ka hming leiin i tuor ta a, i châu si naw a.

1 SAMUEL 12:24

Lalpa chu ṭi phawt el unla, in lungril po poin titakzetin a rawng bâwl unla, in ta dinga thil a thaw ropuizie hi ngaituo ro khai.