HEBRAIHAI 12:28 - Pathien Lekhabu Inthieng (BSI)

²⁸ Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

HEBRAIHAI 12:28 ပူးပေါင်းရင်းမြစ်များ

INPÂKNA HLABU 19:14

Aw Lalpa ka lungpui le a mîn tlantu, Ka baua thu suokhai le ka lungrila ngaituonahai hi i mithmuah lâwmtlâkin um raw se.

INPÂKNA HLABU 2:11

Ṭi pumin Lalpa rawng bâwl unla, Inthin pumin lâwm ro;

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

THUVARHAI 28:24

Tukhawm a nu amanih, a pa amani inrupêk a, “Bawsietna a ni nawh,” titu chu, Chu mi chu suksetu ruolpa chu a nih.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

LUKA 1:33

Jakob thlahai chungah chatuonin inlal a ta, a ramin tâwp ni nei naw ni,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 5:10

Lalpa lâwmzâwng ieng am a na ti infie pei bawk unla.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

HEBRAIHAI 10:19

Chuongchun, unauhai, Isu thisen lei chun, Hmun Inthienga khan lût ei huom a;

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 2:20

In suol a, kutthlâk in tuorin, seltakin tuor unla khawm inpâk ieng am in hlaw leh? Nisienlakhawm, thil in thaw ṭhaa in tuorin, seltaka in tuor chun, chu chu Pathien lâwm zâwng a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.