HEBRAIHAI 12:23 - Pathien Lekhabu Inthieng (BSI)

²³ nau lutîr vâna hming chuong kohran kuom dâm, Pathien, mi po po ngaituotu kuom dâm, mi fel sukṭhat famkimhai thlarau kuom dâm,

HEBRAIHAI 12:23 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

INPÂKNA HLABU 111:1

Lalpa chu inpâk ro, Mi indiktakhai inkhâwmnaa le inrâwn khâwmnaa chun, Ka lungril po povin Lalpa kuomah lâwmthu hril ka tih.

INPÂKNA HLABU 69:28

Anni chu hringna bua inthawk chun thaihmangin um hai sienla, Mi felhai laia chun ziek ni ve naw raw hai se.

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

INPÂKNA HLABU 94:2

Nang hnuoia rorêltu, thaw la, Chapohai chu an suol man thung rawh.

INPÂKNA HLABU 96:13

Lalpa hmaa chun ama chu a hung ding a nih, Hnuoi ro rêl dingin a hung ding a ni si a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

FESUOKNA 13:2

“Israel mihai laia nau lutîr sul hung kêu taphawt, mihriem khawm, ran khawm ka kuomah hung inhlân vawng rawh: ka ta a nih,” tiin.

FESUOKNA 32:32

Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a ti a.

FESUOKNA 4:22

Chun, nangin Pharao kuoma chun, ‘Hieng hin Lalpa chun a tih; Israel hi ka naupa, ka nau lutîr a nih;

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

LUKA 10:20

Nisienlakhawm, khawhrihai in thu thua an um leiin lâwm naw ro; vâna in hming ziek a ni leiin lâwm lem ro,” a ta.

JOHAN 5:27

chun, Mihriem Naupa a ni leiin a kuomah rorêl ding thu a pêk.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

1 KORINTH 13:12

Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.

1 KORINTH 15:49

Chun, hnuoia siem mi puona kha ei nei ang bawkin vâna mi puona chu ei nei bawk ding a nih.

1 KORINTH 15:54

Chuongchun, hi hmawnthei hin hmawntheinawna a sila, hi thithei hin thitheinawna a sil pha chun, “Hnenain thina a lem zo tah,”

2 KORINTH 5:8

muongtakin ei um ka ti a nih, taksaa um lova Lalpa kuoma um ei nuom lem.

EPHESI 1:22

Chun, thil tinrêng a ke hnuoiah a sie a, ama chu iengkim po po chunga lu dingin kohranhai kuoma chun a pêk a,

DÂN PAHNINA 21:17

a itheidanu nau, a nau upa tak, a nei po poah chan hni hu a pêk ding a nih, a hrâtna bul a na, a naulutir nina chu ama chanpuol a nih.

PHILIPPI 4:3

Anih, nang khawm ka rîngkawl bâtpui tak, ka fiel bawk che, kha nuhmeihai kha ṭhangpui rawh. Chanchin Ṭhaa chun an mi thawpui hlak si a; Klemen le ka sinthawpui dang Hringna bua hming chuonghai le khan.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

1 TIMOTHE 3:5

(miin mâni insûng khawsak hman a rêl fel thiem naw chun, Pathien kohran iengtin am enkawl a ta?)

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 11:40

Eini ṭhang lova, anni chu sukfamkima an um nawna dingin Pathienin eini kawng thuah thil ieng amanih ṭha nâwkzuol a buotsai ta leiin.

HEBRAIHAI 2:12

“Ka unauhai lai i hming hril ka ta, Um khâwmhai laia chun, Hla sakin inpâk ka ti che,”tiin.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.

THUPUONGSUO 20:15

Tûkhawm Hringna Buah a hming ziek an hmu naw chun mei dilah an pei bawk a.

THUPUONGSUO 6:11

Chun, an kuoma chun puon vâr an pêk seng a; chun, an suok chanpuihai le an unauhai, anni ang bawka that dinghai khawm chu an kim hmakhat chun an la châwl hri ding a nih ti an hril a.

THUPUONGSUO 6:9

Chun, inchikna pangana chu a hang sût phingleh, maichâm hnuoia Pathien thu lei le an pawm inhriettirna thu leia thathai thlarau chu ka hmu a;