HEBRAIHAI 12:22 - Pathien Lekhabu Inthieng (BSI)

²² Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

HEBRAIHAI 12:22 ပူးပေါင်းရင်းမြစ်များ

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. Lalpa chu Sinai tlânga a um ang khan, chuong laia chun hmun inthiengah a um tah.

INPÂKNA HLABU 84:2

Ka hringna hin Lalpa biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

INPÂKNA HLABU 87:3

Aw Pathien khawpui, I chungchâng thu ropuitakin an hril hlak a nih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 14:32

Philistin hnam palaihai chu iengtin am dawn ei ta le? “Lalpain Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” Lalpain a tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 17:25

hi dai kawtkhârhaia hin lalhai le rorêltuhai David lalṭhungphaa ṭhunghai chu sakawr tawlailîr le sakawr chunga chuongin, anni le an rorêltuhai le Juda mihai le Jerusalem hluotuhai chu la lût an tih; chun, hi khawpui hi kumkhuoin um zing bawk a tih.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 5:35

Jerusalem sâlin inkhâm bawk naw ro, achu lal ropuitak khawpui a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:26

Chun, hieng hi hung nîng a ta, an kuoma, ‘Ka mihai in ni nawh,’ tia an umna hmun ngeia chun, Pathien hring nauhai inbûkin um an tih,” tia a hril ang ngei khan.

GALATI 4:26

Chungtieng Jerusalem ruok chu suok a ni naw a, chu ngei chu eini nu a nih.

EPHESI 2:19

Chuongchun, tuhin mikhuol le mi châm el in ni ta naw a, mi inthienghai le chun tuol khat le Pathien sûnghai in ni ta lem a nih.

DÂN PAHNINA 33:2

“Sinaia inthawkin Lalpa chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

HEBRAIHAI 10:31

Pathien hring kuta tlûk chu thil râpthlâktak a nih.

HEBRAIHAI 11:10

khuo, lungphûmhai nei mi, Pathien ibâwl le siem chu a nghâk zing leiin.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

HEBRAIHAI 13:14

Hitaka hin khaw hmun hlun ei nei si naw a, khuo la hung um ding chu ei zawng lem a nih.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 14:1

Chun, ka hang en a, Berâmte chu Zion Tlânga ngîrin le an chala a hming le a Pa hming ziek, mi nuoi khat le sîng li le sâng li a kuoma chun an um a.

THUPUONGSUO 21:10

Chun, ama chun Thlarauin tlâng lientak insângtakah a mifepui a, Jerusalem khaw inthieng chu, Pathien kuoma vâna inthawka hung ṭum a mîn entir a.

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.

THUPUONGSUO 22:19

chun, tûkhawmin hi hrillâwkna lekhabu thua inthawka thu a lâkhmang chun hi lekhabua ziek Hringna Thing le Khaw Inthienga a chan chu Pathienin la hmang vêng a tih.

THUPUONGSUO 3:12

A hnetu taphawt chu ka Pathien biekina chun banah siem ka ta, chutaka inthawk chun suok ta naw ni; chun, amaa chun ka Pathien hming leh, ka Pathien khuo Jerusalem Thar, ka Pathien kuoma mi vâna inthawka hung ṭum ding hming leh, ka hming thar leh ziek ka tih.

THUPUONGSUO 7:2

Chun, vântirko dang, Pathien hring inchikna chawi, nisa suoknaa hang fe ka hmu bawk a; chun, ama chun vântirko pali, khawmuol le tuipui suksiet theina pêka umhai kuoma chun, rawl inringtakin,