HEBRAIHAI 12:2 - Pathien Lekhabu Inthieng (BSI)

² Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 12:2 ပူးပေါင်းရင်းမြစ်များ

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

INPÂKNA HLABU 138:8

Lalpa chun ka chungchânga a thaw ding chu hlen a tih, Aw Lalpa, i ngilneina chu kumkhawtluongin um a ta, Nangma kut thilthawhai hi bânsan naw rawh.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 8:17

Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

NAMBAR 21:9

Chuongchun, Mosiein dâr rûl a siem a, banah a khai a, rûl chuk taphawtin dâr rûl chu an enin an dam pei a.

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut ta a.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

MARKA 14:36

“Abba, (Pa,) iengkim i thaw thei a, hi no hi ka kuoma inthawkin la sawn rawh; nisienlakhawm, keia thu ni lovin, nangma thu thu ni lem raw se,” a ta.

MARKA 15:28

[Pathien Lekhathu, “Bawsetuhai leh tiemsain a um tah” ti kha a hung tlung ta a.]

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

MARKA 9:12

Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

MARKA 9:24

Chuongchun, naupang pa chun, “Ka awi, ka awinawnaa hin mi ṭhangpui rawh,” tîn a khêk suok nghâl ta a.

LUKA 17:5

Chun, tîrkohai chun Lalpa kuomah, “Kan ringna sukphui deu raw khai,” an ta.

LUKA 23:11

Chun, Herod le a sipaihai chun Isu an suknawmna a, an nuisaw a; chun, puon ropuitak insiltirin Pilat kuomah a tir nâwk ta a.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 12:24

Titakzetin, titakzetin ka hril cheu hi, bu mal hnuoiah a tla a, a thi naw chun, a mal chauin a um zing hlak; a thi ruok chun tamtakin a ra hlak.

JOHAN 12:32

Chun, kei hnuoia inthawka khaikânga ka um chun, mi po po keia tieng hîp ka tih,” a ta.

JOHAN 13:3

Isûn Pain a kuta thil iengkim ân kawltir dâm, Pathien kuoma inthawka hung suok a ni dâm, Pathien kuoma a fe ding dâm hre zingin,

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

JOHAN 8:56

In thlatu Abraham kha ka ni hmu ding a ni leiin a hlim bêk bêk hlak; chun, a hmu ngei a, a lâwm hle a,” a ta, a dawn a.

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw hai se,” a ta.

THILTHAWHAI 3:15

Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hle a.

1 KORINTH 1:18

Kraws thu chu bohmang zinghai ta ding chun invêtna a ni si a, eini sandam zinghai ta ding ruok chun Pathien thilthawtheina a ni lem.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum si a.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 1:6

Nangnia thilṭha thaw ṭantu khan Isu Krista ni chen chun a thaw famkim pei ding a nih; chu ngei chu ka ring tlat si a.

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 1:13

Nisienlakhawm, vântirkohai laia tu chungchâng thu âm hi hi a hril hlak a? “Ka changtieng ṭhung rawh, I hmêlmahai i kepha sirsana, Ka siem hmakhat chun,”ti hi.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 10:14

Thil inhlân ṭum khat chauin sukthieng tahai chu chatuona dingin a sukfamkim ta si a.

HEBRAIHAI 10:33

kawng khata chun hmusit le rinumhai khawm tuorin ennuoma siemin in um a, kawng khata chun chuong anga inhmaa lo umhai kha tuorpuituhai in hung nih.

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,

HEBRAIHAI 12:3

In hung sâwl a, in thlarau tieng in hung chau nawna dingin, misuolhai theidana nasatak tuormuolsuotu ngei chu ngaituo ro.

HEBRAIHAI 13:13

Chuongchun, ama an hmusitna chu phurin khawhnâwmah a kuom tieng fe suok vêng ei tiu.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

JAKOB 2:1

Ka unauhai, ei Lalpa Isu Krista, Ropuina Lalpa, ring si chun mi thlier bîk nei naw ro.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hrietlâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 2:8

“Chun, Smurnaa kohran tirko kuoma chun hieng hin ziek rawh: “ ‘Hmasatak le Nuhnungtak, thia hung hring nâwk ta khan, hieng thu hi a hril a nih: