HEBRAIHAI 12:14 - Pathien Lekhabu Inthieng (BSI)

¹⁴ Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

HEBRAIHAI 12:14 ပူးပေါင်းရင်းမြစ်များ

INṬANNA 32:30

Chun, Jakobin chu hmun hminga chun Peniel ân bûk a, “Pathien chu a hmaihma ngeiah ka hmua chu ka hringna hi hla a ni si a,” tiin.

JOB LEKHABU (THE BOOK OF JOB) 19:26

Chuong anga ka vun chena sukbohmang a ni hnung khawm chun, Ka taksa ngei chun Pathien chu la hmûng ka tih.

JOB LEKHABU (THE BOOK OF JOB) 33:26

Pathien kuoma chun ṭawngṭai sienla, ama chun lo dawn a tih, Chuongchun, a hmêl chu hlimin um a tih, Mi kuoma chun a felna chu a pêk kîr nâwk ding leiin.

INPÂKNA HLABU 120:6

Ka hringna hin inremna theidatu kuomah, Sâwttak umna a nei ta a.

INPÂKNA HLABU 133:1

Ngai ta, unauhai inngei diel diela um khâwm hi, A va ṭhain, a vân hawi de!

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 38:20

Thil ṭha thil suola thung hlaktuhai hi, Thil ṭha ka hnawt leiin a mi dotuhai an nih.

INPÂKNA HLABU 94:15

Rorêlna chu felna tieng kîr nawk a ta, Lungril indiktak put po po chun chu chu zui an tih.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

THUVARHAI 17:14

Insuolna hung inṭan dân hi miin tui a hersuok ang chau a nih, Chuleiin, inhalna chu insuolna a um hmain mâksan rawh.

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

MARKA 9:50

Machi hi a ṭha; nisienlakhawm, machi hi a alna lo da ta sienla, iengin am sukal nâwk an ta? Nangni ngeiin machi nei unla inngei ro,” a ta.

LUKA 1:75

Ei dam sûnga a mithmua inthieng le feltaka ei um zing theina ding chu, a mi hung ruotpêk ta a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:18

A thei phawt chun nangni tieng bêk mi po po le inremin um ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19

Chuongchun, inremna le insuksâwt tuona ding thilhai chu hnawt ei tiu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 13:12

Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

GALATI 3:21

Annawleh, Dân chun Pathien thutiemhai chu a kal am a nih? Teu lo e a! Dân mi sukhringthei hrim hrim pêkin a um ta si chun, felna chu Dân leiin a um ngei ding a nih.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle si a.

PHILIPPI 3:12

Hmu ta zing inti ka ni naw a, famkim ta zing inti khawm ka ni bawk nawh, “Krista mi manna san chu ka man thei duoiin,” tiin a hnawtin ka hnawt lem a nih. Unauhai, manah ka lân ngai nawh.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

1 THESSALONIKA 4:7

Pathienin inthieng naw dingin a mi ko si naw a, inthieng dingin a mi ko lem a nih.

1 THESSALONIKA 5:15

Tûkhawmin tu suol khawm suola thung lo dingin fîmkhur ro; thil in inthawpêk tuona tieng le, mi po po chunga in thawpêkna tienga khawm a ṭha taphawt chu hnawt lem rawp ro.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

HEBRAIHAI 12:10

Anni chun ni sâwt nawtê ṭha an ti ang peiin an mi thunun ngei luo a, Ama ruok chun ân thiengna chu ei chang ve theina dingin, ei ṭhatna dingin a mi thunun lem a nih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.

1 PETER 3:13

Thil ṭha tienga ṭhahnem in ngai chun in pawi tâwk ding tu am um an ta?

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

RORELTUHAI 11:14

Jepthah chun Ammon mihai lal kuoma chun palaihai a tir nâwk a,