HEBRAIHAI 11:8 - Pathien Lekhabu Inthieng (BSI)

⁸ Ringnain Abraham chu koa a um lai khan, a rohluo ding hmuna lût dingin fe suok thu chu a pawm ta a; chun, a fena ding tieng khawm hre lovin a fe suok ta a.

HEBRAIHAI 11:8 ပူးပေါင်းရင်းမြစ်များ

INṬANNA 11:31

Tera chun a naupa Abram le, a naupa naupasal (Haran naupa) Lota le, a mo, a naupa Abram nuhmei Sarai chu a ṭhuoi a; Kanaana fe dingin Kaldaihai khuo Ura inthawk chun an suok tlâng ta a; nisienlakhawm, Haran an hung tlung a, chutaka chun umhmun an khuor ta a.

INṬANNA 12:5

Chun, Abramin a nuhmei Sarai le, a unaupa naupasal Lota le an sum themsuok po po le, Harana an mi neihai chu a ṭhuoi a; Kanaan rama fe dingin an suok a. Kanaan ram chu an tlung chun,

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INṬANNA 20:13

Pathienin ka pa ina inthawka a mîn vaitir lai khan a kuomah, ‘Hi hi i lunginsietna ka chunga înlangtir ding chu a nih: ei tlungna hmun taphawtah, ‘Ka ṭapa a nih,’ mi ti pei rawh ka ti hrim a nih,” a ta.

INṬANNA 22:18

i thlahaia chun khawvêla chi tin la thawveng an tih’ a tih,” tiin.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

ISAI 41:2

Khawsaka inthawkin mi pakhat, felna leia a ke bula a iko chu, tuin am a keihar a? ama chun hnam tin a hmaah a pêk a, lalhai chungah ro ân rêltir a, anni chu pilvut angin a kâwlhnâm kuomah a pêk a, busi thli imût lêng angin a thalngul kuomah a pêk bawk a.

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

NAMBAR 10:30

Ama chun a kuomah, “Hung da el ka tih, keini ramah ka laibunghai kuomah fe lem ka tih,” a ta.

MATTHAI 2:21

Chuongchun, a tho a, nautê le a nu chu a ṭhuoi a, Israel ramah a lût ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:16

Nisienlakhawm, Chanchin Ṭha chu an rêng chun an ring vawng nawh. Isaiin, “Lalpa, kan thu hril tuin am a ring a?” a ti si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:17

Amiruokchu, Pathien kuomah lâwmthu um raw se! suol suok ni unla khawm inchûktir dân,a kuoma in inpêkna chu lungril tak zetin in lo awi a;

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

DÂN PAHNINA 9:5

In fel leiin amanih, in lungril indik leiin amanih an ram chu in hluo ding a ni naw a, hieng hnamhai suol lei le Lalpa in pu Abraham hai, Isak hai, Jakob hai kuoma ân khâmna thu suknghet dingin Lalpa in Pathienin anni chu a hnawt suokpêk ding cheu a ni lem.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

JOSUA 24:3

Chun, in thlatu Abraham kha Vadung râla inthawk khan ka ṭhuoi suok a, Kanaan ram sûng po poa khan ka ṭhuoi a, a thlahai chu ka sukpung a, Isak kha ka pêk a; chun, Isak chu Jakob le Esau ka pêk a.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni lovin, an nuhmeihai chângziea hnein um thei an tih,

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?