HEBRAIHAI 11:7 - Pathien Lekhabu Inthieng (BSI)

⁷ Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

HEBRAIHAI 11:7 ပူးပေါင်းရင်းမြစ်များ

INṬANNA 19:14

Chuongchun, Lota chu a fe suok a, a naunuhmeihai neitu a mâkpahai kuoma chun a va hril a, “Tho unla, hi hmuna inthawk hin suok ro; Lalpain khuo hi a sukbohmang ding a nih,” a ti a. Nisienlakhawm, a mâkpahai ngaia chun fiemthu hril ang chau a nih.

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

INṬANNA 6:22

Chuong ang chun Noa chun a thaw a, Pathienin a kuoma thu a pêk po po ang ngei chun a thaw ta a.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

INṬANNA 7:23

Chuongchun, hnuoi chunga thil hringna nei tinrêng, mihriem dâm, ran dâm, thilhring bawkinvâk chi dâm, chunglêng vate dâm, hnuoia inthawka sukbohmangin an um ta a: Noa le a kuoma lawnga umhai chau chu hlain an um ta a.

INṬANNA 7:5

Chuongchun, Noa chun Lalpain a kuoma thu a pêk ang pei chun a thaw ta a.

INṬANNA 8:16

“Lawnga inthawkin suok ro, nang le i nuhmei, i naupasalhai le an nuhmeihai leh.

2 LALHAI 4:5

Chun, a kuoma inthawk chun a fe ta a, a naupasalhai le ama chu kawt an inkhârkhum a; chun, bêlhai chu a kuomah an hung lâk a, ama chun a lo thun pei a.

JOB LEKHABU (THE BOOK OF JOB) 35:8

I rîtlona chun nangma ang bawkin mi a sukna thei a, Chun, i felna chun mihriem naupa chu a sukhlâwk thei a nih.

THUVARHAI 22:3

Mi var chun thil suol chu a hmu a, ân bi a, Mi mâwl ruok chu a fe pei a, a tuor pha hlak.

THUVARHAI 27:12

Mi var chun thil ṭha naw chu a hmu a, ân bihmang hlak a, Mi mâwl ruok chu a fe pei a, a tuor pha hlak.

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

EZEKIEL 14:20

Noa le Daniel le Job chu a sûnga chun um hai sienkhawm, Lalpa Pathien chun, ‘kei ka hring angin, naupa amanih, naunu amanih chu sanhim naw ni hai a, an felnain anni le anni chau chu in sanhim an tih,’ a tih.

EZEKIEL 33:5

Tawtawrâwt ri chu a hriet a, nisienlakhawm, vaulâwkna chu a pawisa naw a; a thisen chu ama chunga chun um a tih, vaulâwkna chu lo pawisa ni sien chu a nun chu a sanhim ding a nih.

MATTHAI 2:12

Herod kuoma kîr nâwk lo dingin manga hrila an um leiin, lampui dangah an khuo tieng an kîr ta a.

MATTHAI 24:15

“Chuongchun, sukrêmtu tirdakum, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MATTHAI 24:25

Ngai ta u, ka hril lâwk ta cheu hi.

MATTHAI 24:38

Chuong ni tuilêt hmahai chun, Noa lawnga a lût ni chenin an fâkin an dâwn a, nuhmei pasal an innei hlak;

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

LUKA 17:26

“Noa dam laia thil umzie ang khan, Mihriem Naupa a hung nâwk nihai chun um bawk a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:6

Ringnaa felna ruok chun, hieng hin a hril, “In lungrilin, ‘Tu am vânah lâwn a ta?’ (chu chu Krista hung ṭhuoi thla ding tina a nih)

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:13

Dân leiin Abraham le a thlahai kuoma chun khawvêl ro hluo ding thu chu tiem a ni naw a, ringnaa felna lei a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:30

Ieng am hril tâng ei ta? Jentail, felna hnawt nawhai chun felna an lo phâk tah a nih ringna leia felna chu.

GALATI 5:5

Keini chun Thlarau zârah ringnain felna beiseina kan nghâk si a.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

HEBRAIHAI 11:1

Chun, ringna hi thil beiseihai um ngeia hrietna, thil hmu lohai hrietchiengna a nih.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

HEBRAIHAI 8:5

Chuonghai chun vân thilhai chu a lim le a hlim rawng an bâwl hlak a, Mosiein biekbûk a bâwl ding laia, “Tlânga enkhi ding i kuoma inentira um ang tak khan, iengkim siem dingin fimkhur rawh,” tia Pathienin a hril ang khan.

1 PETER 3:20

Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi naw a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.

2 PETER 3:6

chu tuihai vêk chun chu laia khawvêl um chu a chîm a, a bohmang ta a, ti hi;