HEBRAIHAI 11:4 - Pathien Lekhabu Inthieng (BSI)

⁴ Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

HEBRAIHAI 11:4 ပူးပေါင်းရင်းမြစ်များ

INṬANNA 4:10

Lalpa chun, “Iengam i thaw leh? I sang thisen râwl chun hnuoia inthawkin a mi ko a nih.

INṬANNA 4:15

Lalpa chun a kuomah, “Chuong a ni chun tukhawm Kaina thattu chu a let sariin a chungah phuba lâk nîng a tih,” a ta. Chuongchun, mîn an hmu a, an that nawna dingin LalpaIN Kaina chu ân chik ta a.

INṬANNA 4:25

Chun, Adam chun a nuhmei chu a pâwl nâwk a; chuongchun, ama chun naupasal a nei nâwk a, a hmingah Seth a sak a: “Pathienin Abel aiah chi thla dang a mi ruotpêk tah; Kaina chun ama a that ta si a,” a ti a.

INṬANNA 4:8

Kaina chun a sang Abel kuomah, “Thaw ta, lo tieng va fêng ei tih” a ta; loa an um lai chun Kaina chun a sang Abel chu a thaw a, a that ta el a.

1 LALHAI 18:38

Chuongchun, Lalpa mei chu a hung tla a, pumrawhmang thilinhlân dâm, thing dâm, pilvut dâm, lung dâm chu a kâng hmang a, cho khur a tui khawm chu a hîp kang ta vawng a.

JOB LEKHABU (THE BOOK OF JOB) 8:10

Nang chu inchûktir chein, hril chein, An lungrila an hrietna ṭhahai chu hril suok lo ding am an nih?

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

LEVI DÂN 9:24

Lalpa hmaa inthawk chun mei a hung suok a, pumrawhmang thilinhlân le a thâuhai chu maichâma chun a kâng hmang ta a; chu chu mipui po poin an hmu chun an khêk dur dur a, an bawkkhup ta ṭhuop a.

MATTHAI 23:35

Chuongchun, Abel mi feltak thisena inthawkin Pathien biekin le maichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.

LUKA 11:51

Abel thisen suoka inthawk, Zakaria maichâm le biekin inkâra thi, thisen suok chena mi kha.’ Anih, ka hril cheu hi, tulai ruoltharhai chunga hin phuba lâng an tih.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

HEBRAIHAI 11:2

Chutaka chun upahai khan inpâk an hlaw si a.

HEBRAIHAI 12:1

Chuongchun, sumpui nasatak ang thlîrtuhai min huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 5:1

Thiempu Laltak taphawt, suolnahai leia thilpêk le inthâwina ân hlân kawp theina dingin, mihriem laia inthawka lâk tuma lo umin, Pathien tieng thilhaia chun mihriemhai ta dingin ruot an ni hlak si a.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngaidamna hrim a um nawh.

2 PETER 2:8

(chu mi fel chu anni laia a umin a mitin a hmu a, a nain a hriet a, dân naw anga an thilthawhai chun a lungril fel chu ni tin an sukna bêk bêk hlak si a.)

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.