HEBRAIHAI 11:37 - Pathien Lekhabu Inthieng (BSI)

³⁷ lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

HEBRAIHAI 11:37 ပူးပေါင်းရင်းမြစ်များ

2 SAMUEL 12:31

Chun, mipuihai chu a kei suok a, thingâtnahai dâm, hnuoi inletna thîrzumhai dâm, thîr hreipuihai dâm hmangin sin an inthawtir a; hnuoi rawchang dâm an insiemtir a. Ammon mihai khawpuihai po po chu chuong ang chun a thaw a. Chun, David le mi po po chu Jerusalema chun an fe nâwk ta a.

1 LALHAI 18:13

Jezebelin Lalpa zâwlneihai a râwt rak laia ka thil thaw, Lalpa zâwlneihai laia mi za, sâwmnga pâwla pûka ka thuphmang a, bei le tuia ka châwmzie kha ka pu hi an hril naw che nîng a ti maw?

1 LALHAI 18:4

Jezebelin Lalpa zâwlneihai a râwt rak lai khan Obadia chun zâwlnei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

1 LALHAI 19:1

Ahab chun Elija thilthaw po po, kâwl hnâma zâwlneihai po po a that thuhai leh Jezebel chu a hril a.

1 LALHAI 19:10

Ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sâthlum si a; a la um chu kei bak hi ka na, ka hringna mi lâkpêk an tum a nih,” a ta.

1 LALHAI 19:13

chun, mei zoa chun râwl innêmtak el hi a hung suok a, chun, Elija chun chu chu a hriet chun a puonin a hmai ân khum a, a va suok a, pûk baua chun a va ngîr a. Chun, ngai ta, râwl chun a kuomah, “Hitaka hin ieng am i thaw a, Elija?” a hung ti a.

1 LALHAI 19:14

Chun, ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel mihai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sât hlum si a; a la um chu keima bak hi ka na, ka hringna mi lâkpêk an tum a nih,” a ta.

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

2 LALHAI 1:8

Anni chun, “Ama chu sahmul puon sila, a kâwng chu kâwngkhia inhrên a nih,” tiin an dawn a. Chun, ama chun, “Tisbe mi Elija kha a ni chu,” a ta.

2 LALHAI 2:13

Elija puon amaa inthawka hung tla chu a lâk a, a kîr a; Jordan vadung panga chun a ngîr ta a.

2 LALHAI 2:8

Chun, Elija chun a puon chu a hlîp a, ân têl a, tui chu a vuok ta a, chuongchun, khingtieng khingtieng chun a lo inṭhe a, an pahni chun hnuoi hula chun an fe kai ta a.

1 CHANCHIN SUINA 20:3

Chutaka um mihai chu a hung ṭhuoi suok a, hreipui le thîr kuoikimhai le thing âtnahaiin anni chu sin ân thawtir tâwl a. Chuong ang seng chun David chun Ammon mihai khawpui po poa chun a thaw a. Chun, David le a mihai po po chu Jerusalema chun an kîr nâwk ta a.

2 CHANCHIN SUINA 24:21

Chun, ama chu an phierrûk ta a, Lalpa in inhuon tuolsûnga chun lal thupêkin an dêng hlum ta a.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 26:23

Aigupta rama inthawk chun Uria chu an hung ṭhuoi a, lal Jehoiakim kuoma chun an hung ṭhuoi ta a, chun, ama chun kâwlhnâmin a that a, a ruong chu mi narânhai thlâna chun a pei lût a.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

MATTHAI 21:35

Chun, lo enkawltuhai chun a suokhai chu an lo man a, pakhat an vuok a, pakhat an sukhlum a, pakhat lungin an dêng a.

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

LUKA 13:34

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

THILTHAWHAI 14:19

Nisienlakhawm, Antiokei le Ikonioma mi Juda tuhai amanih chutaka chun an hung a, mipuihai chu an zâwr thlûk ta a; chuongchun, Paula chu lungin an dêng a, thia an ring leiin khuoa inthawk chu an hnûk dawk ta a.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

2 KORINTH 12:10

Chuleiin, Krista leiin hrâtnawnaahai, sietnaahai, hnengdenaahai, suknawmnatnaahai, hnawchêpnaahai, ka lâwm hlak a nih; ka hrât naw po leh ka hrât hlak a nih.

HEBRAIHAI 11:25

Sâwt nawtê kâr suol inhawina hlimpui nêk chun Pathien mihai le suknawmnat tuor a thlang ta lem a;

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.