HEBRAIHAI 11:13 - Pathien Lekhabu Inthieng (BSI)

¹³ Chuong po po chu ringna neiin an thi ta a, thiltiemhai chu chang lovin; nisienlakhawm, chuong chu hlataka inthawka hmuin chibai an lo bûk ta a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 11:13 ပူးပေါင်းရင်းမြစ်များ

INṬANNA 21:34

Chuongchun, Abraham chu Philistin mihai rama chun sâwttak a um a.

INṬANNA 23:4

“Nangni lai mikhuol le inpêm el ka ni a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a ti a.

INṬANNA 25:8

Abraham chun a thlarau ân thla ta a, a lua kêlsam ṭo hiela tartakin, tarkûna damin a thi ta a, a chipuihai kuoma ṭhuoiin a um ve ta a.

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a ni a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a ti a.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni ta a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INṬANNA 49:18

Aw Lalpa i sandamna chu ka nghâk zing.

INṬANNA 49:28

Chuong po po chu Israel hnam sâwm le hnam hni chu an nih; chun, hieng hi anni malsâwma an kuoma an pa thu hril chu a nih: an malsâwmna dawng ding ang peiin mal a sâwm seng a.

INṬANNA 49:33

Chun, Jakob chun a naupasalhai kuoma thuro a sie zo chun, a kehai chu khumah a hlângkai a, a thi ta a, a chipuihai kuoma chun ṭhuoiin a um ve ta a.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

JOB LEKHABU (THE BOOK OF JOB) 19:25

Amiruokchu, ka tlantu chu a hring a nih ti ka hriet a, A tâwpa chun hnuoi chunga hin la ngîr ngei a tih.

INPÂKNA HLABU 119:19

Hnuoia hin mikhuol ka na, I thupêkhai chu ka kuoma chun ip naw rawh.

INPÂKNA HLABU 39:12

Aw Lalpa, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni si a.

FESUOKNA 2:22

Zippora chun naupasal a nei a. Mosie chun, “Hrietlo rama inzin ka ni tah,” a ti a, a hmingah Gersom a sak ta a.

LEVI DÂN 25:23

“Kumkhuoa dingin ram chu zawr sawng ding a ni nawh, ram chu ka ta a ni si a; ka kuoma khawsa mikhuol le khuolchâm el in ni si a.

NAMBAR 10:30

Ama chun a kuomah, “Hung da el ka tih, keini ramah ka laibunghai kuomah fe lem ka tih,” a ta.

NAMBAR 24:17

‘Ama chu ka hmu a, tuta a um ang ni lo hi, Ka thlîr a, hnaitea mi ang ni lovin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

MATTHAI 13:17

Titakzetin ka hril cheu hi, zâwlnei tamtakhai le mi fel tamtakhai khawmin, in thil hmuhai hi hmu an inhâwk a, nisienlakhawm, an hmu si naw a; in thil hriethai khawm hi hriet an inhâwk a; nisienlakhawm, an hriet si naw a!

JOHAN 12:41

Isaiin a ropuizie a hmu le a chanchin a hril lei hin chuong thu chu a hril a nih.

JOHAN 8:56

In thlatu Abraham kha ka ni hmu ding a ni leiin a hlim bêk bêk hlak; chun, a hmu ngei a, a lâwm hle a,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:21

a thutiem chu ân hlawtling tir thei ti a ring hle bawk a, a ringna chu a hung det lem ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:24

Beiseinain a nih, sandama ei um chu; nisienlakhawm, hmu thei zing beiseina hi beiseina a ni naw a, miin a hmu thei zing chu iengtin am a la beisei hlak a?

2 KORINTH 4:18

thil hmuthei hi en lovin, thil hmutheinawhai chu kan en lem si a; thil hmutheihai hi sâwtnawtêa ding a na, thil hmutheinawhai ruok chu kumkhuoa ding a ni si a.

2 KORINTH 5:6

Chuongchun, taksaa ei um sûngin, Lalpa kuomah ei um nawh ti hrein kumkhuoin muongtakin ei um hlak;

EPHESI 2:19

Chuongchun, tuhin mikhuol le mi châm el in ni ta naw a, mi inthienghai le chun tuol khat le Pathien sûnghai in ni ta lem a nih.

HEBRAIHAI 11:14

Chuong ang thu hriltuhai chun anni ram ding an zawng ti a suklang si a.

HEBRAIHAI 11:17

Ringnain Abraham chu fiea a um khan Isak ân hlân a; anih, thutiemhai lâwmtaka changtu chun, a naupa khât nei sun chu ân hlân a,

HEBRAIHAI 11:27

Ringnain lal lunginsenna chu ṭi lovin Aigupta ram a mâksan a, hmu thei naw Pathien chu a hmu leiin a tuor fan fan a nih.

HEBRAIHAI 11:39

Chun chuonghai po po chun an ringna leiin inpâk an lo hlawh a, thiltiem chu an chang nawh.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 JOHAN 3:19

Chutaka chun thutaka inthawk ei nih ti inhrieng ei ta, ama mithmu ngeiah ei lungril chu thlêm tlai bawk ei tih,