HEBRAIHAI 11:12 - Pathien Lekhabu Inthieng (BSI)

¹² Chuongchun, pasal pakhat, mithi ang el ni tahnunga inthawkin, vâna arasihai anga tam, tuisuoriet panga phaiphin anga tiem sêng naw an hung suok ta a.

HEBRAIHAI 11:12 ပူးပေါင်းရင်းမြစ်များ

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 32:12

Nangin, ‘Siem ṭha ngei ngei ka ti che a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti si a,” a ti a.

2 SAMUEL 17:11

Keia remruot ve dân chu, Israel mi po po chu Dana inthawkin Beer-seba tlung rakin an tamzie tuipui kama phaiphin zât zetin i kuomah ko khâwm la; chun, indonaa khawm chun nang meu khawm fe ve la.

1 LALHAI 4:20

Judahai le Israelhai chu tuisuoriet pang ṭieu phaiphin zât zetin an tam a: an fâkin an dâwn a, hlimtakin an um hlak a.

1 CHANCHIN SUINA 27:23

Nisienlakhawm, David chun kum sâwmhni le a hnuoi tieng chu an nizât a lâk naw a; Lalpa chun Israel chu vâna arasi zâtin a sukpung ding a nih ti a lo hril ta lei khan.

NEHEMIA 9:23

An thlahai chu vâna arasi zâtin i sukpung bawk a; an hluo dinga an pi le puhai kuoma i lo hril tah rama chun i ṭhuoi lût ta a.

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw ni a, sukbohmangin um bawk naw ni,” tiin.

JEREMIA 33:22

Vâna umhai chu tiem sêng an ni naw a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HABAKKUK 1:9

An rêngin pâwngnêk dingin an hung a, Khawsak thli ang elin an hmêlhai chun a ngerin an nger a, Salmanhai chu phaiphin angin an lâk khâwm a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

DÂN PAHNINA 1:10

Lalpa in Pathien chun a sukpung cheu a, ngai ta u, tuhin chu in tamzie chu vâna arasi zât zet in hung ni ta a.

DÂN PAHNINA 28:62

Vâna arasi zât hiel ni hlak kha tlâwmte bak hung ni tâng in ta, Lalpa in Pathien râwl chu in zâwm naw leiin.

JOSUA 11:4

An sipai ruolhai leh mi tamtak, an tam tieng chu tuipui kama phaiphin zât zet, sakawr le tawlailîr tamtak leh an inthawk ta a.

THUPUONGSUO 20:8

hnuoi kil lia hnamhai, Gog le Magog chu, hlêma, indonaa ṭhuoi khâwm dingin fe suok a tih; chuonghai tamzie chu tuipuia phaiphin ang el an nih.

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tuipui kama phaiphin zât zet an nih.

1 SAMUEL 12:5

Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin Lalpa chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.