HEBRAIHAI 10:31 - Pathien Lekhabu Inthieng (BSI)

³¹ Pathien hring kuta tlûk chu thil râpthlâktak a nih.

HEBRAIHAI 10:31 ပူးပေါင်းရင်းမြစ်များ

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

INPÂKNA HLABU 90:11

Tuin am i lunginsenna thilthawtheizie hrea, Nangma ṭi dingzie anga i lunginsenna hrie le?

ISAI 19:16

Chu nia chun Aigupta mihai chu nuhmei ruol ang nîng an ta, sipaihai Lalpa kut thin chu an chunga a thin leiin inthinin ṭîng an tih.

ISAI 33:14

Ziona mi suol umhai chun an ṭi a; Pathien inza naw mihai chu inthinnain a man ta a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

LUKA 21:11

simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.

THILTHAWHAI 13:11

Hre rawh, tuhin Lalpa kut i chungah a tla a ni hi, i mit hung indel a ta, khaw var hmu hri naw ti ni,” a ta. Chuongchun, inthim le sûmin ama a baw nghâl ta a, kuta keitu ding zawngin ân vâk a.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

HEBRAIHAI 10:27

rorêlna ṭi lâwkna râpthlâktak ieng amani leh dotuhai kâng hmang dinga lungsenna mei chu um lem tâng a tih.

HEBRAIHAI 12:29

ei Pathien hi mi kâng bohmang mei a ni si a.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.