HEBRAIHAI 1:14 - Pathien Lekhabu Inthieng (BSI)

¹⁴ Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 1:14 ပူးပေါင်းရင်းမြစ်များ

INṬANNA 32:24

Chun, Jakob chu ama khât bakin a um ta a; chun, mi pakhatin ama chu khawfingchat chenin a buon a buon a.

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

JOB LEKHABU (THE BOOK OF JOB) 1:6

Tuhin Pathien naupahai chu Lalpa hmaa inlang dinga an hung ni a um a; Setan khawm anni lai a hung ve a.

INPÂKNA HLABU 104:4

Thlihai chu i vântirkohai în changtir a, Meichawk dur dur hai chu i rawngbâwltuahai în changtir hlak.

INPÂKNA HLABU 34:7

Ama ṭîtuhai chu an vêla chun Lalpa vântirko chun a um ngha a. A sanhim hlak.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 2:13

Chun, an fe hnungin, ngai ta, Lalpa vântirko Josef kuomah a mangah ân lâr a, “Tho la, nautê le a nu ṭhuoi la, Aigupta ramah tlân hmang rawh, ka hril nâwk hmakhat che chu chutaka chun um zing rawh; Herodin nautê sukbo dingin a zawng ding a nih,” a ta.

MATTHAI 24:31

Chun, a vântirkohai chu tawtawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 4:11

Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MARKA 10:17

Chun, fe dinga a suok laitakin mi pakhat a kuom tieng a hung tlân a, a hmaah a dingṭhaṭhuon a, a kuomah, “Inchûktirtu ṭha, kumkhuoa hringna ka nei theina dingin ieng am thâwng ka ta?” tiin ân dawn a.

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

LUKA 1:23

Chun, a rawngbâwlna ni chu a kim phingleh a inah a fe ta a.

LUKA 16:22

Chun, hieng ang hi a na, kutdaw chu a thi a, vântirkohaiin an fepui a, Abraham ângsûngah an sie a. Mi hausa khawm chu a thi a, phûmin a um ta a.

LUKA 2:13

Chun, kârlovin vântirko kuoma chun vâna mihai mipui an hung um ta huk el a, Pathien an inpâk a,

LUKA 2:9

Chun, Lalpa vântirko pakhat an kâwlah a hung ngîr a, Lalpa ropuinân an vêl chu a hung sun var a; chuongchun, an ṭi ta bêk bêk a.

THILTHAWHAI 11:22

chun, an chanchin chu Jerusalema kohran umhai naa chun a hung lût ta a; chuongchun, Antiokei chen chun Barnaba chu an tir suok ta a.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

THILTHAWHAI 12:7

Chun, ngai ta, Lalpa vântirko pakhat a kâwlah a hung ngîr a, rip sûnga chun var ieng amanih a hung var a, Peter nâkah a khîk har a, “Tho vak rawh,” a ta. Chun, a kuta khaidiethai chu a tla ta a.

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 16:26

chun, kârlovin simkhawleihnuoi nasatakin a hung inhnîng a; chun, kawtkhâr po po chu ân hawng nghâl a, mi tin kawl bunhai chu a hung insût vawng ta a.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:14

ka chipuihai kân thîktir hrâm theina ding le, anni laia mi ṭhenkhat ka sandam theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:6

Hi lei hin annâwm sie khawm in chawi hlak; chuong ang thil ngei thaw fan fan dinga Pathien rawngbâwltuhai an ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thlarau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:27

Anih, lungnitaka an thaw a nih, an kuomah an bat hrim bawk a; Jentailhaiin an thlarau tieng thilah an in ṭâwmpui si chun, khawvêl tieng thilin anni sawmdâwl ve thung a ṭûl hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

2 KORINTH 9:12

Hi sawmdâwlna rawngbâwlna hin, mi inthienghai chu a phuhrûkpêk chau khawm a ni naw a, Pathien kuoma lâwmthu hrilna tamtaka inchangin a luong liem bawk a nih.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

GALATI 3:7

Chuleiin, hre ro, ringnaa umhai, chuonghai ngei chu Abraham nauhai an nih.

GALATI 3:9

Hi lei hin, a ring taphawt chun, Abrahamin a ringa malsawmna a dawng ang chu an dawng ve hlak a nih.

EPHESI 3:6

Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 2:25

Nisienlakhawm, Epaphrodita, ka unaupa, ka sinthawpui, ka sipaipui le in tirko, ka thil tlâksama mi sawmdâwltu hi in kuoma hung tir ṭulin ka hriet.

2 THESSALONIKA 1:7

nangni rinum tuortuhai chu, Lalpa Isu a vântirko hrâttakhai leh meichawk laia a hung inlang pha, keini le hin min châwltir le;

TITA 3:7

Chuongchun, a lunginsietnaa thiem inchangtira hung umin, chatuona hringna beiseina ang peiin rohluotu dinga siemin um thei ei tih.

HEBRAIHAI 10:11

Chun, thiempu tinrêngin kâwla nisa suok tiema rawng bâwlin suolhai iengtik lai khawma sukbo thei naw inthâwina pângngai inhlân rawpin an ngîr hlak;

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

HEBRAIHAI 6:17

Chuongchun, Pathienin thutiem rohluo dinghai kuoma chun a rorêlna danglam ngai nawzie, nasa nâwk zuola inentir nuomin inkhâmin a sukdet a;

HEBRAIHAI 8:6

Tu ruok hin chu thuthlung ṭha nâwkzuol palai a nizie ang peiin rawngbâwl sin ṭha lem a lo chang ta a, chu thuthlung chu thutiem ṭha lem chungahai siem a nih.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawimawi pumin in nuhmeihai kuomah um ro, in ṭawngṭainahai hluoa a um nâwna dingin.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmu a, chuong mit pasari chu Pathien Thlarau pasari, hnuoi chung po poa tir suokhai chu an nih.