HAGGAI 2:5 - Pathien Lekhabu Inthieng (BSI)

⁵ Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni si a: ṭi dêr naw ro, Lalpa chun a tih,” tiin.

HAGGAI 2:5 ပူးပေါင်းရင်းမြစ်များ

2 CHANCHIN SUINA 20:17

Hi indonaa hin in do ngai kher naw nih, intlar phawt unla, ngîr ṭawk ṭawk ro; Lalpa sandamna chu en zing el ro; aw Juda mihai le Jerusalem mihai, ṭi naw unla, beidawng bawk naw ro; zingah anni chu hang thaw unla, Lalpa chu in kuomah a um si a,’ ” tiin.

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

NEHEMIA 9:30

Nisienlakhawm, kum tamtak anni chu i daw a, i thlaraua i zâwlneihai hmangin i kâwk hlak a; nisienlakhawm, an na an suksêt a; chuleiin, chu rama mihai kuta chun i pêk ta a.

FESUOKNA 19:4

Aigupta mihai chunga ka thilthaw tahai le, mupui thlahai chunga phur cheua ka kuoma ngei ka ṭhuoizie cheu kha in hmu ta a.

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

FESUOKNA 24:3

Mosie chu a hung a, Lalpa thu po po le dânhai po po chu mipui a hril ta a. Mipui po po chun thu thuhmunin an dawn a, “Lalpain thu a hril po po chu thâwng kan tih,” an ti a.

FESUOKNA 24:8

Chun, Mosie chun thisen chu a lâk a, mipui chu a the a, “Hieng thuhai po po chungthua Lalpain thisen thuthlung a siempêk cheu hi en ta u,” a ti a.

FESUOKNA 34:10

Lalpa chun, “Ngai ta, thuthlung ka siem hi. Ieng hnam lai khawm le hnuoi chung po poa la thaw ngai dêr lo, i mihai po po hmaah thilmakhai thâwng ka tih. Anni laia i umna mi po po chun Lalpa sinthaw chu hmûng an tih, nangmaa thil ka thaw ding chu râpthlâktak a ni si a.

FESUOKNA 34:8

Mosie chu inhmâwtakin hnuoi tieng a lu a kûn a, chibai a bûk ta a.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:13

Kei Lalpa in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni si a.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

ZEKARIA 8:15

chuong ang tak chun, hieng nihaia hin Juda insûng le Jerusalem chunga hin thil ṭha thaw ka lungril a nih, ṭi dêr naw ro.

MATTHAI 28:5

Chun, vântirko chun nuhmeihai chu a biek a, an kuomah, “Nangni chu ṭi naw ro! Isu an hemde kha in zawng ti ka hriet!

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

JOSUA 8:1

Lalpa chun Josua kuomah, “Ṭi naw la, zâm bawk naw rawh, râlkâp mi po po i kuomah ṭhuoi la, tho la, Ai khuoah hang fe rawh; ngai ta, Ai khaw lal le, a mihai le, a khuo le a ram chu i kutah ka pêk tah.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

1 SAMUEL 12:20

Chun, Samuel chun, mipuihai kuoma chun, “Ṭi naw ro, hi thil ṭha nawtak hi thaw chu in thaw ngei a, amiruokchu, Lalpa in zui chun ama chu pêtsan chuong naw unla, in lungril po poin Lalpa rawng chu bâwl lem ro;