HAGGAI 2:23 - Pathien Lekhabu Inthieng (BSI)

²³ ‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai Lalpa chun a tih; ‘nang hi inchikna namna angin siem ka ti che,’ Lalpa chun a tih; ‘nang hi ka lo thlang ta si che a,’ sipaihai Lalpa chun a tih ” tiin.

HAGGAI 2:23 ပူးပေါင်းရင်းမြစ်များ

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

HLAHAI HLA 8:6

I lungril chunga chun inchikna ang le, I bân chunga chun inchikna angin mi sie la; Hmangaina chu thina ang elin a hrât si a; Itthîkna chu thlân ang ela rilo a na; A chawkhai chu meichawk a na, Lalpa meichawkhai ngei chu.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” Lalpain a tih, “Ka um hma chun pathien hrim hrim inngîr an um naw a, ka um hnunga khawm um bawk naw ni hai.

ISAI 49:16

En ta, ka kutphaahai hin ka ziek che hi, i kul banghai chu ka hmaah a um zing a nih.

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

MATTHAI 12:18

“En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,