HAGGAI 2:2 - Pathien Lekhabu Inthieng (BSI)

² “Juda ram awptu Sealtiel naupa Zerubbabel kuoma le, Jehozadak naupa Josua, thiempu lal kuoma le, mipui la um sunhai kuoma chun hril la,

HAGGAI 2:2 ပူးပေါင်းရင်းမြစ်များ

EZRA 1:8

Persia lal Kura chun, chuonghai ngei chu sum enkawltu Mithredath kutin a hung lâk suok a, Juda ram lal Sesbazzar kuoma chun a tiempêk ta a.

EZRA 2:63

Ram awptu khawma an kuoma chun, thiempu chu Urim le Thummim leh a ngîr dawk hmakhat chun thil inthiengtakhai chu an fâk ding a ni nawh, a lo ti ta hrim a nih.

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi Lalpa in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an ti a. Dân thu chu an hrietin mipui po po chu an ṭap an ṭap el si a.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 1:14

Chuongchun, Lalpa chun Juda ram awptu, Sealtiel naupa Zerubbabel lungril le, Jehozadak naupa Josua, thiempu lal lungril le, mipui a la um sunhai lungril chu a chawkhar ta a. Chuongchun, an hung a, sipaihai Lalpa an Pathien ina chun sin an thaw ta a,