HAGGAI 2:17 - Pathien Lekhabu Inthieng (BSI)

¹⁷ In kut sinthawnahai po poa chun riel le kumthu le ṭêk tlain ka hrem cheu a, anachu ka kuom tieng in la hung ngha naw rawp el hi,” Lalpa chun a tih.

HAGGAI 2:17 ပူးပေါင်းရင်းမြစ်များ

INṬANNA 42:23

An kâra ṭawng inlettu a um leiin Josef chun an thu hril chu a hriet ti an hriet naw a.

INṬANNA 42:27

Anni laia mi pakhatin riebûka chun a sabengtung bu pe dinga a ip a hang hawng chun, a tangka chu a hmu ta el a, a ip bau bula chun a lo um a.

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

1 LALHAI 8:37

Kan rama hin ṭâm a hung tla a, hri dâm a hung inlêng a, ṭâwlna amanih, hmawnna amanih, khâuṭhikṭhi amanih, tuktulung amanih a hung um a, an hmêlmahaiin an kawtkhâr bulhaia an hung inhuol a, hri iengkhawm, natna iengkhawm a hung tlung chun;

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun Lalpa chungah a bawsiet zuol det pei a.

2 CHANCHIN SUINA 6:28

Chun, chu rama chun ṭâm amani a tla a, hri amanih ân lêng a, riel amanih, ṭêk amanih, khâu amanih, tuktulung amani an ṭuong chun; an hmêlmahai chun an khawpuiahai chun anni chu hung inhuol hai sienla, ieng hripui khawm inlêngin, ieng natna khawm um sienla;

JOB LEKHABU (THE BOOK OF JOB) 36:13

Nisienlakhawm, chuong lungrila Pathien ngaisak nawhai chun lunginsenna an khâwlkhâwm a, Anni a khuop pha khawm ṭhangpuina ngênin an khêk nawh.

INPÂKNA HLABU 128:2

I kut sininrim ra chu i fâk ding a ni si a, Lâwmtakin um i ta, thawvengin um bawk i tih.

INPÂKNA HLABU 78:46

An thil kakhai khawm chu tuktulung kuomah a pêk a, An sininrim ra chu khâuṭhikṭhi kuomah a pêk bawk a.

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 37:27

Chuleiin, a sûnga umhai chu an hrât mang naw a, an ṭi a, an hung muolpho ta kha; phûl hlobet ang le, hlohna hring ang le, in chunga hlohna ang le, lo bu ṭhat hma ang chau an ni kha.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 9:13

Nisienlakhawm, mihai chun anni vawtu tieng chu an ngha chuong si naw a, sipaihai Lalpa chu an zawng chuong bawk nawh.

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo ta a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr naw a,” Lalpa chun a tih.

HAGGAI 1:11

Hnuoi chunga dâm, tlânghai chunga dâm, buvui chunga dâm, uoin chunga dâm, hriek chunga dâm, leihnuoiin a hung insuotir taphawt le, mihriemhai chunga le, bâwng ruol chunga le, kut sininrim ra suok po po chunga chun khuo ka sukṭhâl a nih”, tiin.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.

HAGGAI 1:9

“Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai Lalpa chun a tih. “Ka in hienga siea um zing siin, mi tin mâni in sengah in tlân hlak leiin.

HAGGAI 2:16

khânglai sûng hrim hrim khan, miin tekhâwng sâwmhni vûma a ruota chun sâwm chau a lo na: miin sâwrna khura bûr sâwmnga thâl dinga a hung chun sâwmhni chau a lo na.

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.

DÂN PAHNINA 28:22

Lalpain ngawrna dâm, khawsik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.