HAGGAI 1:4 - Pathien Lekhabu Inthieng (BSI)

⁴ “Hi in hi hienga se zing siin, nangni ta dingin in, inchungthuo inhaia chun chêng zing a hun ta am a nih?”tiin.

HAGGAI 1:4 ပူးပေါင်းရင်းမြစ်များ

2 SAMUEL 7:2

lal chun zâwlnei Nathan kuomah, “Hi, kei chu sidar thing inah ka um a, Pathien bâwm ruok chu puon in elah a um a,” a ti a.

2 LALHAI 5:26

Chun, ama chun a kuomah, “A be ding chea a tawlailîra inthawka mi hung ṭum lai khan ka lungril chu i kuomah a fe ve pei a ni naw am a nih? Tangka dâm, silfên dâm, oliv huon dâm, grêp huon dâm, berâm dâm, sebâwng dâm, suokpa le suoknu dâm hi lâk hun a nîm a nih?

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet si a.

INPÂKNA HLABU 74:7

I hmun inthieng chu an raw a, I hming umna khawm chu leihnuoi ichîm khawp hielin an sukkhawhlo ta a.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

JEREMIA 22:14

ama chun, “In lientak ka ta dingin bâwl ka ta, pindan chunghnung lien tâwktak hai leh” a ta. Chuongchun, tukverhai a siem a, sidar thingin a sûng ân thuo a, rawng sen a nâl a.

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 33:10

“Lalpa chun hieng hin a tih: ‘Sa le mihriem khawm um lovin a sie a,’ in ti, hi hmuna le, Juda ram khawpuihaia le, hluotu um lova, ran khawm um lova râusan Jerusalem kawtthlêrahai chun hieng hi hriet la nîng a tih:

JEREMIA 33:12

Sipaihai Lalpa chun hieng hin a tih: Chu nawa khawm, hi hmuna hin, mihriem le sa khawm um lova se ta le chutaka khawpuihaia po po chun, berâmpuhai an ran ruol chu inbawktirin la um an tih.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 2:7

Lalpa chun a maichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, Lalpa ina chun an khêkri chêl chûl a,

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

LEVI DÂN 19:25

A kum nga kum ruok chun, in ta dinga a pung pei theina dingin a ra chu in fâk ding a nih: Kei Lalpa in Pathien chu ka nih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

HAGGAI 1:3

Chuongchun, zâwlnei Haggai kuoma chun Lalpa thu chu a hung tlung a:

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

HAGGAI 1:9

“Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai Lalpa chun a tih. “Ka in hienga siea um zing siin, mi tin mâni in sengah in tlân hlak leiin.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

PHILIPPI 2:21

An rêngin Isu Krista thil zawng lovin, mâni thil an zawng hlak si a.