HAGGAI 1:1 - Pathien Lekhabu Inthieng (BSI)

¹ Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:1 ပူးပေါင်းရင်းမြစ်များ

1 LALHAI 10:15

sumdâwngtuhaia inthawka siechawi lâklût le, thil zawrtuhai sukhlâwk, Arab lalhai sie-chawi po po le ram awptuhaia inthawka lût tiem lovin.

1 LALHAI 14:18

Chun, Lalpain a siehlaw zâwlnei Ahija hmanga thu a lo hril ta ang ngei khan Israelhai po po chun an sûn a, an vui ta a.

2 LALHAI 14:25

Lalpa Israelhai Pathien a siehlaw, Gath-hepher mi Amittai naupa zâwlnei Jona hmanga a thuhril ang khan, Hamath lûtnaa inthawka Araba tuipui chenin Israel ramah a bel nâwk a.

1 CHANCHIN SUINA 3:17

Chun, Jekonia, suok intâng, naupasalhai chu: a naupa Sealtiel,

1 CHANCHIN SUINA 3:19

Chun, Pedaia naupasalhai chu: Zerubbabel le Simei; chun, Zerubbabel naupasalhai chu: Mesullam le Hanania an na, an farnu chu Selomith a nih;

EZRA 1:8

Persia lal Kura chun, chuonghai ngei chu sum enkawltu Mithredath kutin a hung lâk suok a, Juda ram lal Sesbazzar kuoma chun a tiempêk ta a.

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 2:63

Ram awptu khawma an kuoma chun, thiempu chu Urim le Thummim leh a ngîr dawk hmakhat chun thil inthiengtakhai chu an fâk ding a ni nawh, a lo ti ta hrim a nih.

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien maichâm chu an siem ta a.

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

EZRA 4:2

Zerubbabel le pahnama upahai kuoma chun anni chu an hung a, an kuomah, “Nangni hi bâwlpui vêng kan ti cheu, in thaw ang bawkin in Pathien hi a ni sia kan zawng chu; chuongchun, Assuria lal Esar-haddon, hitienga keini mi hung ṭhuoitu huna inthawk ta kha ama kuoma chun kan inthâwi hlak tah a nih,” an ti a.

EZRA 4:24

Chuongchun, Jerusalema um, Pathien in sinthaw chu a lo tâwp ta a; Persia lal Daria rorêl kum hnina chen chun châwlsan a ni ta a.

EZRA 5:1

Chun, zâwlneihai, Haggai le Iddo naupa Zekaria chun Juda ram le Jerusalema Juda umhai kuoma chun thu an hrillâwk a; Israel Pathien hmingin a nih anni chun thu an hrillâwk chu.

EZRA 5:3

Chu hun lai chun vadung râl tieng rorêltu Tattenai le Setharbozenai le an ruolhai chu an kuomah an hung a, an kuomah, “Hi in bâwl ding le, kul hi siemzo dingin tuin am thu a pêk cheu a?” an ta.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo ta a.

NEHEMIA 12:1

Sealtiel naupa Zerubbabel le Jesua kuoma fe ve thiempuhai le Levi mihai chu hieng hi an nih; Seraia, Jeremia, Ezra,

NEHEMIA 12:10

Chun, Jesua chun Joiakim chu a nei a, Joiakim chun Eliasib a nei a, Eliasib chun Joiada a nei a,

NEHEMIA 5:14

Chu naw khawm chu Juda rama anni awptu dinga ruot ka ni china inthawk, lal Artazerzia kum sâwmhni ân lal kuma inthawka kum sâwmthum pahni ân lal kum chen, kum sâwm pahni sûng chun kei le ka unauhai hin ram awptu puol bei hrim hrim khawm kan fâk ngai naw a.

NEHEMIA 7:7

Zerubbabel, Jesua, Nehemia, Azaria, Raamia, Nahamani, Mor-dekai, Bilsan, Mispereth, Bigvai, Nehum le Baana hai ruol hin an fe a nih. Israelhai laia mi vântlâng tam tieng chu:

NEHEMIA 8:9

Chun, ram awptu Nehemia le thiempu le lekhaziektu ni fâwm Ezra le mipuihai inchûktirtu Levi mihai chun mipui po po kuoma chun, “Vawisûn ni hi Lalpa in Pathien ta dinga ni inthieng a nih; lungriemin thlâk naw sienla cheu, ṭap khawm ṭap bawk naw ro,” an ti a. Dân thu chu an hrietin mipui po po chu an ṭap an ṭap el si a.

FESUOKNA 4:13

Ama ruok chun, “Aw Lalpa, ka hni che, mi dang tir lem el rawh,” a ti a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 1:14

Chuongchun, Lalpa chun Juda ram awptu, Sealtiel naupa Zerubbabel lungril le, Jehozadak naupa Josua, thiempu lal lungril le, mipui a la um sunhai lungril chu a chawkhar ta a. Chuongchun, an hung a, sipaihai Lalpa an Pathien ina chun sin an thaw ta a,

HAGGAI 1:15

Daria inlal kum hnina, a thla rukna, ni sâwmhni pali ni chun.

HAGGAI 1:2

Sipaihai Lalpa chun hieng hin a tih: “Hieng mihai hin, ‘A hun a la tlung nawh, Lalpa in bâwl a ni hun ding chu’ an ti a,” tiin.

HAGGAI 1:3

Chuongchun, zâwlnei Haggai kuoma chun Lalpa thu chu a hung tlung a:

HAGGAI 2:10

Daria inlal a kum hninaa, thla kuona ni sâwmhni pali ni chun zâwlnei Haggai kuomah Lalpa thu chu a hung tlung a,

HAGGAI 2:20

Chu thla, ni sâwmhni pali ni chun Lalpa thu chu a vawi hninaah Haggai kuomah a hung tlung nâwk a,

HAGGAI 2:21

“Zerubbabel, Juda chunga rorêltu kuoma chun hril la, ‘Hnuoi le vânhai chu sukhnîng ka ta:

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

ZEKARIA 1:1

Daria inlal kum hnina a thla rietnaah, Iddo naupa, Berekia naupa zâwlnei Zekaria kuomah Lalpa thu chu a hung tlung a:

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

MALAKI 1:8

Inthâwina dinga a mitdel in inhlân khan, suol a ni naw am a ni? A damnaw le a kebai in inhlân khan, suol a ni naw am a ni? In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai Lalpa chun a tih.

LUKA 3:27

Ama chu Joanan nau a na, Ama chu Rhesa nau a na, Ama chu Zerubbabel nau a na, Ama chu Sealtiel nau a na, Ama chu Neri nau a na,