HABAKKUK 3:4 - Pathien Lekhabu Inthieng (BSI)

⁴ A êngna chu var ang a na; A kuta inthawk chun varkêhai a hung suok a, A thilthawtheina inbîkna chu a um a nih.

HABAKKUK 3:4 ပူးပေါင်းရင်းမြစ်များ

NEHEMIA 9:12

Sûna chun sûm ngîrin i ṭhuoi hlak a, zâna khawm an fena ding lampuia anni ên dingin meichawk ngîrin i ṭhuoi hlak.

JOB LEKHABU (THE BOOK OF JOB) 26:14

En ta u, hi hi hman hi a lampuihai a ṭhen chau chu a na, A chanchin chu ei va hriet tlâwm lâwm lâwm ngei de! Nisienlakhawm, a thilthawtheina rihâu chu tuin am hrethiem thei a ta?” tiin.

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 18:12

A hmaa vara inthawk chun a sûm sâmuphai chu an inkieng a, Ṭêk le rielhai chu a tla ta ur ur a

FESUOKNA 13:21

Zâna le sûna khawm an fe theina dingin, Lalpa chu sûnah sûm ngîrin an hma ṭhuoi dingin le zânah mei ngîrin anni var pe dingin, an hmaah a fe pei a;

FESUOKNA 14:20

Israel mihai le Aigupta mihai riebûk inkâra chun a hung a. Chuongchun, sûm le inthim chu a um a, zân chu sûm chun a sukvar hlau thung a, zânkhuoin tu tu khawm an inhnai tuo naw a.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

EZEKIEL 1:27

Chun, a kâwng chungtienga po chun ṭhihna zie ang, a vêla a sûnga mei anga inlang ka hmu bawk a; chun, a kâwng le a hnuoitieng inlang dâna chun, mei anga inlangin ka hmu a, ama vêla po po chun var chu a um a.

EZEKIEL 43:2

chun, ngai ta, saktienga inthawk chun Israel Pathien ropuina chu a hung tlung ta a; chun, a râwl khawm chu tui tamtak ri ang a nih; chuongchun, a ropuina chun hnuoi chu a var ta a.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.

THUPUONGSUO 22:5

Chun, zân um nâwk ta naw ni a; khâwnvar le nisa var ngai naw ni hai a; Lalpa Pathien chun anni a ên ding a ni si a; chuongchun, chatuonin ro rêl an tih.