HABAKKUK 3:18 - Pathien Lekhabu Inthieng (BSI)

¹⁸ Lalpaa chun hlim ka ta, Ka sandamna Pathiena chun lâwm ka tih.

HABAKKUK 3:18 ပူးပေါင်းရင်းမြစ်များ

2 SAMUEL 6:15

Chuongchun, David le Israel mi po pohai chun khêk dur dur pum le tawtawrâwt mût ruoi ruoi pumin Lalpa bâwm chu an lâk ta a.

JOB LEKHABU (THE BOOK OF JOB) 13:15

Ama chun mi sukhlum sien khawm, ama chu la beisei rawp ka tih. A hmabulah ka thiemna thu ka la hril ding a ni si a.

INPÂKNA HLABU 104:34

Ka ngaituona hi ama ta dingin thlumtak ni raw se, Kei chu Lalpaa chun hlim ka tih.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 25:5

I thutaka chun mi ṭhuoi la, mîn chûktir rawh, Nang chu a mi sandamtu Pathien i ni si a; Sûnnithlâkin ka nghâk zing che hi.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 33:1

Aw mi felhai, Lalpaa chun hlimin hla sak ro, Mi indik ta ding chun Pathien inpâk hi a âwm hrim a nih.

INPÂKNA HLABU 85:6

Nangmaa chun i mihai an hlim theina dingin, I mi sukhar nâwk naw ding am a nih?

INPÂKNA HLABU 97:12

Mi felhai, Lalpaa chun lâwmtakin um unla, A hming inthieng chu inpâk ro.

FESUOKNA 15:1

Chun, Mosie le Israel mihai chun Lalpa kuomah hi hla hi an sak a, “Ropuitaka a hne ta leiin Lalpa kuomah hla sak ka tih. Sakawr le a chunga chuong chu tuipuiah a pei lût a.

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 61:10

Lalpaa chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta si a.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

LUKA 2:30

I sandamna chu ka mitin a hmu ta a,

DÂN PAHNINA 12:18

Lalpa in Pathienin hmun a la ruot dingah, Lalpa in Pathien hmaah in fâk lem ding a nih, nangni le in naupasalhai le in naunuhmeihai le in suokpahai, in suoknuhai, in khuoa um Levi mihai leh; Lalpa in Pathien hmaah in kut rasuok taphawtah hlimtakin in um ding a nih.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

JAKOB 1:2

Ka unauhai, thlêmna tinrêng in tuok hnungin lâwmna ruokah ngai ro,

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

1 SAMUEL 2:1

Hanna chu a ṭawngṭai a, “ Lalpa chungah ka lungril a lâwm êm êm a; Ka ki chu Lalpaa chawimawiin a um a; Ka hmêlmahai chungah ka bau suklienin a um a, I sandamnaa chun ka lâwm êm êm leiin.