HABAKKUK 3:10 - Pathien Lekhabu Inthieng (BSI)

¹⁰ Tlânghai chun an hmu che a,an ṭi a; Tui insawkhai khawm chu an fe hmang ta a; Li inthûk chun a râwl ânsuo a, A kuthai chu chungtieng a phar a.

HABAKKUK 3:10 ပူးပေါင်းရင်းမြစ်များ

NEHEMIA 9:11

Chun, an hmaa chun Tuipui Sen chu i sukṭhe a, tuipui laiah hnuoi hulah chun in fe thlengtir a; anni hnawttuhai ruok chu tui inthûktakah, tui nasataka lung pei lût ang elin i pei lût a.

INPÂKNA HLABU 104:32

Ama chun hnuoi hi a en a, ân thin hlak a, Tlânghai chu a them a, a khu suok hlak.

INPÂKNA HLABU 148:7

Hnuoia inthawk hin, Nangni drakon le tui inthûk po pohai;

INPÂKNA HLABU 18:15

Chu phingleh, Aw Lalpa, i kâwkna leiin, I hnâra inthuok suok chun a mût rak leiin, Tui luongnahai chu a hung inlang a; Leilung innghatna chu suklangin a um ta a.

INPÂKNA HLABU 65:13

Ran tlatna hmunhai chu ran ruolin a dâpin a dâp a, Ruomhai khawm chu buin ân zâwl hmur a; Hlimin an khêk a, hla an sak bawk a.

INPÂKNA HLABU 66:6

Ama chun tuipui kha hnuoi ṭâwlah ân changtir a, Vadungpui kha kein an fe kâi a; Chutaka chun amaah ei hlim a.

INPÂKNA HLABU 93:3

Aw Lalpa, vadungpuihai chun an insuo a, Vadungpuihai chun an râwl an insuo a. Vadungpuihai chun an ri nasatak chu an insuo a.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an insâwi a.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

HABAKKUK 3:6

A ngîr a, hnuoi chu ân hnîng a; Hnamhai chu a en a, a hnawt dar ta a; Kumkhaw tlânghai khawm chu sukdarin an um a, Chatuon muolhai chu an kûn bawk a; A lampuihai chu chatuona mi an nih.

MATTHAI 27:51

Chun, ngai ta, Pathien biekina puonzâr chu a chung tienga inthawkin a hnuoi tieng chenin, a lo tlêr suok ta a; chun, simkhawleihnuoi dâm ân hnîng a, lungpuihai an hung kawi a;

MATTHAI 8:24

Chun, ngai ta, dila chun thlipui nasatak a hung hrâng a, chuongchun, tuifâwn chun lawng chu a chîm pup pup el a; ama ruok chu a in a.

HEBRAIHAI 11:29

Ringnain khawmuola fe angin Tuipui Sena khan an fe kai a; Aiguptahaiin chu chu thaw an tum ve a, lem zoin an um ta a.

JOSUA 4:18

Thiempuhai Lalpa thuthlung bâwm zâwntuhai chu Jordan vadunga inthawka an hung suok a, thiempuhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuonghai po poa chun a luong liem nâwk ta zuoi zuoi a.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan ta a.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.

THUPUONGSUO 6:14

Vân chu lekhabu zuolmi zuola ân hmang angin, ân hmang ta a; tlâng le thlierkâr tinrêng chu an umnaa inthawkin sawnin an um ta a.