HABAKKUK 2:9 - Pathien Lekhabu Inthieng (BSI)

⁹ Mi suol kuta inthawka sansuok a ni theina dinga, A bû insângtaka a sep theina dinga, A insûng ta dinga hlâwkna indik naw latu chu a chung a rik ie!

HABAKKUK 2:9 ပူးပေါင်းရင်းမြစ်များ

INPÂKNA HLABU 49:11

An lungril ngaituo dân chu, An inhai chu kumkhuoa um ding ang le, An umnahai chu suon po po chena um ding ang a nih. An ramhai chu anni hming ruok an inputtir hlak.

INPÂKNA HLABU 52:7

“En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhimna dingin kan hmang a, khêl hnuoiah kan inbihmang ta si a,” in ti leiin;

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

JEREMIA 17:11

Indik lova hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

JEREMIA 22:23

Aw Lebanon hluotu, sidar thinghaia bu septu, nuhmei nauhase nat anga natna, i chunga tuornahai a hung tlung pha chun lungsiet i va um âwm de!

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 51:13

Aw nang tui tamtakhai chunga chêng, hausaknaa bit, i tâwpna a hung tlung mêk a, i hringna hrui ân tan tah.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

OBADIA 1:4

Mu angin insângtakah hang vuong la khawm, i bu chu arasi lai khin sep ni sienla khawm, chutaka inthawk chun la thla el ka ti che, Lalpain a tih.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.