HABAKKUK 2:17 - Pathien Lekhabu Inthieng (BSI)

¹⁷ Lebanon chunga inpâwngnêkna le, Ramsahai chunga suksietna, anni sukṭi hlakna chun, Ram le khawpui le a sûnga chênghai chunga le, Mihriemhai thisen le thil lo thaw ta po po lei chun, Nang chu ân khum ding che a nih.

HABAKKUK 2:17 ပူးပေါင်းရင်းမြစ်များ

INPÂKNA HLABU 137:8

Aw Babulon naunu, sukbohmanga um ding, Kan chunga i thaw anga, Thung ding che chu lâwmtakin um a tih.

INPÂKNA HLABU 55:23

Nisienlakhawm, aw Pathien, nangin anni chu bohmangna khura chun infe thlâktir i ta, Thisen insuo hmang ke le hlêm hmang mihai chu an dam sûng chenve khawm dam naw ni hai: Kei ruok chun nang chu ring ka ti che.

THUVARHAI 28:17

Mi tukhawm mi dang hrim hrim thisena suksipa um chu Khur tieng chun tlân hmang a ta, tukhawma chel naw raw se.

JEREMIA 50:14

Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, Lalpa chungah thil a lo suksuol ta si a.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, Lalpa chun a tih.

EZEKIEL 28:16

I sumdâwngna thil tam taluot leiin, I sûng chu inpâwngnêknain an suksip ta a; Thil i suksuol a, chuleiin, sukpawrchea um angin, Pathien tlânga inthawk chun ka hnawt suok ta che a, Ka suksiet ta che a nih, aw inkhumtu cherub, Mei lunghai laia chun ka suksiet che a nih.

EZEKIEL 31:16

Vânsama ṭum tahai laia, hremhmuna ka pei thlâk lai chun, a tlûkna ria chun hnamhai chu ka sukthin a; Eden thing po po Lebanona thing ṭhatak le ditumhai, tui lo dâwn tahai po po chu hnuoi khingtieng panga chun sukhlimin an um a.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

HABAKKUK 1:17

Chuleiin, a lên chu sukruok nâwk hlakin, Hnamhai that zing el chu a ma naw ding am a nih?

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

ZEKARIA 11:1

Aw Lebanon, i kawtkhârhai hawng rawh, I sidar thinghai chu meiin a kâng hmang theina dingin!