HABAKKUK 2:16 - Pathien Lekhabu Inthieng (BSI)

¹⁶ Ropuina dinga inzaknaa suksip i ni ta a, Nang khawma dâwn la, saruok chu ni el rawh! Lalpa kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!

HABAKKUK 2:16 ပူးပေါင်းရင်းမြစ်များ

INPÂKNA HLABU 75:8

Lalpa kuta chun no a um si a, a uoin chu a phul a, Thil dang le chawkpawlin a sip a, chutaka inthawk chu a bunsuok a. Matheilovin a nenghai chen chun hnuoia mi rilohai chun dâwn fai rêt an tih.

THUVARHAI 3:35

Mi var chun ropuina chu hluong a ta, Amiruokchu, invêthai kaisângna chu inzakna nîng a tih.

ISAI 20:4

Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

JEREMIA 25:15

Israel Pathien, Lalpa chun ka kuomah hieng hin a ti si a: “Hi lunginsenna no ka kuta hi la la, hnam an kuoma ka tirnahai po po che chu indâwntir tâwl rawh.

JEREMIA 25:17

Chun, Lalpa kuta no chu ka lâk a, Lalpain a mi tirna hnamhai po po kân dâwntir a;

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

JEREMIA 51:7

Babulon chu Lalpa kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn ta a; chuleiin, hnamhai chu an invêt a nih.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

EZEKIEL 23:33

Lungngaina le inruinain sip tâng i ta, Râusanna le maktina no, i zuorpuinu Samaria no le chun Dâwn khawm dâwn ngei i ta, thlâksuok i ta,

HOSEA 4:7

An pung dep leh ka chungah an suol tul tul a, An ropuina chu muolphonaah inchangtir ka tih,

HOSEA 7:5

Ei laltak nia chun mi lienhai chu uoin inruitakin an insukrui a, Ama chun hmusittuhai ruolin a kut a phar a.

HABAKKUK 2:10

Mi tamtak chu sât thlain, I insûng ta ding chun inzakna în tlun ta a; I hringna chung ngeia khawm thil i suksuol ta a nih.

HABAKKUK 2:15

A tuolbâwm kuoma dâwn ding pe a, Chutaka chun a tûr chu pawl a, An saruokna chu a hmu theina dinga Sukruitu chung chu a rik ie!

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

THUPUONGSUO 18:6

Amain a pêk ang ngei khan pe thung unla, a thilthawzie ang pei chu a lêt hniin thung unla, a chawkpawlna noa chun a ta dingin a lêt hniin chawkpawlpêk ro.